Jazztónleikar á Bryggjunni í kvöld

• Menningarfréttir
• 10. ágúst 2016

Í kvöld, miðvikudaginn 10. ágúst, verða jazztónleikar á Bryggjunni þar sem fram koma Anna Gréta Sigurðardóttir og Håkan Broström ásamt hljómsveit. Þau leika frumsamda tónlist eftir Önnu og Håkan en Anna leikur á píanó og Håkan á saxófón. Með þeim leika einnig Sebastian Ågren á trommur og Eirik Lund á kontrabassa. Tónleikarnir hefjast kl. 21:00 og eru allir velkomnir meðan húsrúm leyfir.

Um Önna Grétu og Håkan Broström af heimasíðu Jazzhátíðar Reykjavíkur:

„Anna Gréta og Håkan kynntust fyrir ári síðan og hafa síðan þá spilað saman í mörgum mismunandi verkefnum, meðal annars með stórsveitunum Norrbotten big band, New Places Orchestra og ýmsum kvartettum.

Nú í fyrsta sinn spila þau í sameiginlegu verkefni og leika með sænsku tríói Önnu Grétu sem samanstendur af auk hennar Eirik Lund á kontrabassa og Sebastian Ågren á trommur. Anna Gréta flutti til Stokkhólms fyrir rætt tæpum tveimur árum til að stunda nám við Konunglega tónlistarháskólann þar í borg og hefur síðan þá verið virk í sænsku senunni og komið fram á öllum helstu jazzklúbbum Svíþjóðar. Anna Gréta var valin bjartasta vonin í jazz- og blús flokki á íslensku tónlistarverðlununum árið 2015 og kemur reglulega fram á Íslandi. Håkan Broström hefur um árabil verið einn af fremstu saxófónleikurum Svíþjóðar og komið fram með heimsþekktum jazztónlistarmönnum á borð við Joey Calderazzo og Jeff Tain Watts.“

Tóndæmi:

• Síðast uppfært: 10. ágúst 2016