54. fundur Frístunda- og menningarnefndar haldinn í bæjarstjórnarsal, miðvikudaginn 1. júní 2016 og hófst hann kl. 20:00.

Fundinn sátu:
Atli Geir Júlíusson aðalmaður, Sigurður Enoksson aðalmaður, Anita Björk Sveinsdóttir aðalmaður, Kristín María Birgisdóttir aðalmaður, Anton Kristinn Guðmundsson aðalmaður og Þorsteinn Gunnarsson embættismaður.

Fundargerð ritaði: Þorsteinn Gunnarsson, Sviðsstjóri frístunda- og menningarsviðs.

Dagskrá:

1. 1605085 - Íþróttamiðstöð: aukin sumaropnun um helgar
Hermann Guðmundsson forstöðumaður íþróttamiðstöðvar mætti á fundinn undir þessum lið. Bæjarstjórn hefur samþykkt að veita fjárheimild til að auka opnunartíma sundlaugar og líkamsræktarstöðvar. Nefndin samþykkir eftirfarandi:
Opið klukkustund lengur á föstudögum eða til kl. 21:00.
Opið laugardag og sunnudag frá kl. 09:00-18:00 í júní, júlí og ágúst.
Jafnframt verður skoðað að lengja helgaropnun næsta vetur.

2. 1605063 - Íþróttamiðstöð: Sauna
Nýtt sauna verður sett á sundlaugarsvæðið í sumar. Um er að ræða 7,5fm smáhýsi sem búið er að breyta í sauna. Það tekur um 10-15 manns. Nefndin fagnar því að sauna skuli koma í sundlaugina eftir langt hlé.

3. 1605071 - Umsókn í afrekssjóð: Alexander Birgir Björnsson
Í samræmi við 4. grein vinnureglna íþrótta- og afrekssjóðs samþykkir nefndin umsóknina.

4. 1605088 - Umsókn í Afrekssjóð: Viktoría Líf Steinþórsdóttir
Nefndin samþykkir umsóknina í samræmi við vinnureglur íþrótta- og afrekssjóðs

5. 1504005 - Áhorfendastúka: Galli í þakklæðningu
Samkomulag hefur náðst við verktaka um uppgjör vegna galla á áhorfendastúku á Grindavíkurvelli.

6. 1605044 - Rannsókn og greining: Lýðheilsa ungs fólks í Grindavík 2016
Farið yfir nýja skýrslu Rannsóknar og greiningar um hagi og líðan unglinga í 8.-10. bekk. Skýrslan hefur verið kynnt fyrir forvarnarteymi og verður einnig kynnt fyrir Grunnskóla Grindavíkur.

7. 1601028 - Sjóarinn síkáti: Verkefnisáætlun 2016
Sviðsstjóri fór yfir lokasprettinn á skipulagi Sjóarans síkáta 3.-5. júní n.k. Dagskráin er glæsileg í tilefni 20 ára afmæli Sjóarans síkáta og 60 ára afmæli Sjómanna- og vélstjórafélags Grindavíkur.

8. 1605080 - Jónsmessuganga: Dagskrá 25. júní 2016
Dagskráin lögð fram.

9. 1501142 - Forvarnarteymi: Fundargerðir
Fundargerðin lögð fram.

10. 1602175 - Samsuð: Fundargerðir
Fundargerðin lögð fram.

Fleira ekki gert. Fundi slitið kl. 21:20.

• Síðast uppfært: 24. júní 2016