Vel á annað hundruð lausnir bárust í húsaleiknum skemmtilega „Hver býr hér?“. Um er að ræða léttan og skemmtilegan fjölskylduleikur sem fest sig hefur í sessi sem hluti af Sjóaranum síkáta. Bæklingi var dreift í öll hús í Grindavík. Þar voru myndir af útidyrahurðum og átti að þekkja þær, tvær úr hverju litahverfi, og skila svarblaðinu í Kvikuna. Vinningshafar voru dregnir út í morgun en þeir eru:
1. Gjafabréf í Bláa Lónið og þriggja rétta máltíð á Lava: Tinna Björg Hammer, Glæsivöllum 18B.
2. Gjafabréf í Bláa Lónið og þriggja rétta máltíð á Lava: Emilía Ósk og Júlía Björg, Staðarhrauni 13.
3. Matur fyrir tvo á Salthúsinu: Guðlaug R Jónsdóttir, Glæsivöllum 3.
4. Saltfiskur frá Þorbirni: Elvar Unndór Sveinsson, Túngötu 10, Reykjanesbæ.
Við þökkum þeim fyrirtækjum sem gáfu vinninga kærlega fyrir þeirra framlag og Grindvíkingum og gestum fyrir þátttökuna. Vinningunum verður komið til vinningshafa á næstu dögum.