20 ára afmćli Sjóarans síkáta fór fram međ miklum glćsibrag

  • Sjóarinn síkáti
  • 07.06.2016
20 ára afmćli Sjóarans síkáta fór fram međ miklum glćsibrag

Sjóarinn síkáti, bæjarhátíð okkar Grindvíkinga fagnaði 20 ára afmæli um helgina og má með sanni segja að hátíðin hafi verið glæsileg í alla staði. Bærinn skartaði sínu fegursta og veðrið lék við okkur, þá sérstaklega á föstudeginum. Hátíðarsvæðið við Kvikuna var þéttsetið og stemmingin á Bryggjuballinu frábær. Fyrstu tölur benda til þess að gestir hátíðarinnar í ár hafi verið um 40.000, fyrir utan bæjarbúa sjálfa, enda iðaði allur bærinn af lífi alla helgina og rúmlega það.

Eins og áður sagði fagnaði Sjóarinn síkáti 20 ára afmæli í ár og var dagskráin vegleg í samræmi við það. Raunar teygði hátíðin sig alveg aftur á miðvikudag en það var nóg um að vera útum allan bæ allt fram á sunnudagskvöld. Mikil stemming myndaðist á bryggjuballinu á föstudeginum en Páll Óskar keyrði upp stuðið bæði þar og svo á risa dansleik í íþróttahúsinu á laugardagskvöldinu. Það eru engar ýkjur þegar við segjum að landslið skemmtikrafta hafi komið fram á hátíðinni í ár og þökkum við þeim öllum kærlega fyrir þeirra framlag í ár og vonum að allir hafi fundið eitthvað við sitt hæfi í dagskránni í ár.

Það eru margar hendur sem koma að skipulagningu jafn stórrar hátíðar og Sjóarans síkáta og viljum við hjá Grindavíkurbæ koma á framfæri þökkum til allra þeirra sem lögðu hönd á plóg. Sjóarinn síkáti er bæjarhátíð allra Grindvíkinga og við gætum ekki gert þetta án ykkar hjálpar. 

Hér að neðan fylgja nokkrar skemmtilegar myndir frá hátíðinni en á Facebook-síðu bæjarins eru fjölmargar myndir til viðbótar.

Deildu ţessari frétt

AĐRAR FRÉTTIR

Íţróttafréttir / 12. júlí 2018

Rilany Da Silva til Atletico Madrid

Fréttir / 6. júlí 2018

Matseđill nćstu viku í Víđihlíđ

Íţróttafréttir / 5. júlí 2018

Grindavíkurkonur á taplausri braut

Fréttir / 3. júlí 2018

Víkurhóp - nýjar lóđir

Íţróttafréttir / 3. júlí 2018

Vinningaskrá Nafnalukka meistaraflokks kvenna

Fréttir / 2. júlí 2018

Atvinna - Bćjarstjóri Grindavíkurbćjar

Íţróttafréttir / 2. júlí 2018

Fýluferđ til Vestmannaeyja

Sjóarinn síkáti / 29. júní 2018

Dregiđ í söguratleiknum