Glæsilegir vinningar í kappróðrinum í ár

• Sjóarinn síkáti
• 31. maí 2016

Kappróðurinn á Sjóaranum síkáta verður með glæsilegra móti í ár. Keppt verður í fjórum flokkum: landsveitir karla og kvenna, sjósveitir og litahverfin. Sigurliðin í hverjum flokki fá veglega pizzaveislu á Papas pizza en liðin með bestu tímana í karla og kvennaflokki fá einnig ferð í Bláa Lónið þar sem boðið verður uppá drykk á útibar og svo í fjögurra rétta óvissumatseðil á Lava. Það er því til mikils að vinna í ár og hvetjum við sem flesta til að taka þátt og gera kappróðurinn þannig að spennandi keppni á ný.

Það er Sjómanna- og vélstjórafélag Grindavíkur sem heldur utan um skipulagningu kappróðursins í samvinnu við fjölmörg grindvísk fyrirtæki. Skráning fer fram í síma 426-8400 eða á netfangið svg@svg.is

• Síðast uppfært: 31. maí 2016