Sjötta árið í röð verður Bacalao-stórmótið í knattspyrnu haldið fyrir fyrrverandi leikmenn 30 ára og eldri, þjálfara, stjórnarmenn og aðra vellunnara knattspyrnudeildar Grindavíkur í tengslum við Sjóarann Síkáta. Mótið verður haldið laugardaginn 4. júní og stendur frá kl. 15:00-17:00 á Grindavíkurvelli.
Í framhaldinu verður einkasamkvæmi með skemmtun frá kl. 20:00 að Seljabót 7. Húsið opnar kl. 19:00.
Dagskrá kvöldsins er sem hér segir:
Hin víðfræga saltfiskveisla mun verða á sínum stað í öruggum höndum Bíbbans sem hefur sérhæft sig í eldun á "a la bacalao" saltfiskréttum.
Landsfrægir söngvarar mæta í karokee.
Halldór Gunnar Pálsson stjórnandi Fjallabræðra mætir og skemmtir ásamt Sverri Bergmann.
Verðlaunaafhending og mannamál að hætti hússins þar sem söngur og gleði ræður ríkjum.
Aldurstakmark: 30 ára og eldri
Innifalið í mótsgjaldi sem er 8.000 kr:
Glæsileg keppnistreyja mun nýtast vel, vallargjöld, ómæld gleði að hlaupa inn á Grindavíkurvöll í fullum herklæðum, Lýsi og liðamín, saltfiskveisla og skemmtun.
Þeir sem taka maka með sér í veisluna greiða kr. 3.000. - aukalega.
Skráningarfrestur er til 29. maí og er hægt að skrá sig á mótið með því að smella HÉR.