Ljóðahringurinn er 3 km létt gönguferð með menningarívafi. Hann liggur frá brjóstmynd Sigvalda Kaldalóns við Kvennó á Víkurbraut og eru 10 áningarstaðir á leiðinni. Ljóð eftir nemendur í Grunnskólanum eru á spjöldum sem prýða hvern áningarstað ásamt leiðarvísi að næsta stað.
• Aftan á hverju spjaldi er einnig að finna bókstaf sem er hluti af orðarugli.
• Þegar leyst hefur verið úr orðaruglinu, er réttu svari skilað á bókasafnið og dregið verður úr réttum svörum í lok Hreyfivikunnar.
• Eyðublöðin getur þú nálgast á heimasíðu bæjarins eða á bókasafninu.
• Við hvetjum alla til að taka þátt í Hreyfivikunni og taka léttan göngutúr um bæinn.
Vinningur: Matur fyrir 2 á veitingastaðnum Hjá Höllu.