53. fundur Frístunda- og menningarnefndar haldinn í Gjánni, þriðjudaginn 3. maí 2016 og hófst hann kl. 17:00.

Fundinn sátu:
Sigurður Enoksson aðalmaður, Þórunn Alda Gylfadóttir aðalmaður, Ágústa Inga Sigurgeirsdóttir aðalmaður, Rúnar Sigurjónsson fulltrúi UMFG og Þorsteinn Gunnarsson embættismaður.

Fundargerð ritaði: Þorsteinn Gunnarsson, Sviðsstjóri frístunda- og menningarsviðs.

Dagskrá:

1. 1604069 - UMFG: Ársskýrsla 2015
Stjórn UMFG mætti á fundinn og fór yfir ársskýrslu og ársreikninga fyrir árið 2015. Einnig var farið yfir starfsemi UMFG, iðkendatölur o.fl.

2. 1601013 - Frístunda- og menningarsvið: Eftirfylgni samninga 2015
UMFG, Golfklúbbur Grindavíkur og Hestamannafélagið Brimfaxi hafa lokið við gerð siðareglna fyrir félög sín samkvæmt samstarfssamningi þeirra við Grindavíkurbæ. Siðareglur UMFG voru samþykktar á aðalfundi félagsins, siðareglur GG voru samþykktar af stjórninni og siðareglur Brimfaxa eru tilbúnar en eiga eftir að fara fyrir félagsfund. Nefndin lýsir yfir ánægjunni sinni með hvernig til tókst.

3. 1604063 - Bókasafn: Stefnumótun og framtíðarsýn
Nefndin samþykkir tillögu sviðsstjóra að farið verði í stefnumótun fyrir starfsemi bókasafnsins sem byggir á því góða starfi sem þar er unnið í dag. Settur verði á laggirnar stýrihópur sem heldur utan um vinnuna. Samþykkt að formaður frístunda- og menningarnefndar, Þórunn Alda Gylfadóttir, verði fulltrúi nefndarinnar í stýrihópnum. Einnig verði þar fulltrúar frá grunnskólanum, almenningi, Félagi eldri borgara, leikskóla og ungmennaráði. Sviðsstjóra falið að halda utan um stefnumótunina sem unnin verður næsta árið.

4. 1601030 - Frístundaleiðbeinandi/Þruman: Mat
Árið 2013 var ákveðið að færa félagsmiðstöðina Þrumuna úr Kvennó yfir í Grunnskóla Grindavíkur og ráðinn var einn aðili, frístundaleiðbeinandi, til að sjá um félagsstarf barna- og ungmenna í Grindavík. Markmiðið með þessum aðgerðum var að gera félagsstarfið markvissara og efla tengslin á milli grunnskólans og félagsmiðstöðvarinnar börnum og ungmennum í Grindavík til heilla. Þessi hugmynd var studd af ungmennaráði Grindavíkur.
Frístundaleiðbeinandi hefur nú starfað á þriðja vetur og þetta er annar veturinn þar sem félagsmiðstöðin Þruman er starfrækt í húsnæði Grunnskóla Grindavíkur við Ásabraut. Stefnt var að því að meta hvernig til hefði tekist með hvort tveggja eftir 1-2 ár. Í janúar s.l. var óskað var eftir greinargerð frá helstu hagsmunaaðilum, auk þess gerði Eva Björg Sigurðardóttir nemi í tómstunda- og félagsmálafræði könnun á meðal nemenda og starfsfólks.
Margar góðar ábendingar bárust í greinargerðunum. Heildar niðurstaðan er í þá veru að markmiðið hefur náðst, þ.e. að gera félagsstarfið markvissara og efla tengslin á milli grunnskólans og félagsmiðstöðvarinnar. Almenn ánægja ríkir með staðsetningu Þrumunnar í skólanum og starf frístundaleiðbeinanda á meðal nemenda og flestra annarra hagsmunaaðila, sérstaklega á skólatíma. Lagfæra þarf skipulagsleg atriði er varða samstarf grunnskólans og félagsmiðstöðvarinnar og skoða sérstaklega kvölddagskrána og starfslýsingu frístundaleiðbeinanda. Samþykkt að skýrslan verði kynnt hagsmunaaðilum og unnið út frá þeim ábendingum sem fram komu.

5. 1601028 - Sjóarinn síkáti: Verkefnisáætlun 2016
Sviðsstjóri fór yfir undirbúning á Sjóaranum síkáta í sumar.

6. 1601063 - Hátíðarhöld: 17. júní 2016
Sviðsstjóri fór yfir dagskrá 17. júní hátíðarhaldanna í sumar.

7. 1604078 - Minja- og sögufélag Grindavíkur: Ársskýrsla 2015
Ársskýrslan lögð fram.

8. 1603095 - Leikjanámskeið 2016: Verkefnisáætlun
Sviðsstjóri fór yfir skráningar og skipulag leikjanámskeiðsins í sumar í ljósi breytinga sem samþykktar voru á síðasta fundi.

9. 1604070 - Sumarbæklingur 2016: Frístundastarf
Sumarbæklingur verður gefinn út í maí með dagskrá námskeiða fyrir börn og ungmenna. Allir þeir sem standa fyrir námskeiðum eru hvattir til að senda inn upplýsingar til sviðsstjóra í síðasta lagi 10. maí n.k. Ljóst er að aukið úrval verður á sumarnámskeiðum.

10. 1604061 - Ungmennaráð: Áherslur 2016
Farið yfir áherslunar og kynningu ungmennaráðs á síðasta bæjarstjórnarfundi.

11. 1501142 - Forvarnarteymi: Fundargerðir
Fundargerðin lögð fram.

12. 1602175 - Samsuð: Fundargerðir
Fundargerðin lögð fram.

Fleira ekki gert. Fundi slitið kl. 19:00.

• Síðast uppfært: 4. maí 2016