1399. fundur Bæjarráðs Grindavíkur haldinn í bæjarstjórnarsal, þriðjudaginn 12. janúar 2016 og hófst hann kl. 17:00.
Fundinn sátu:
Hjálmar Hallgrímsson varaformaður, Kristín María Birgisdóttir formaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi og Jón Þórisson sviðsstjóri fjármála- og stjórnsýslusviðs.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. 1512123 - Beiðni um stuðning á deild
Lögð fram ítarleg greinargerð um aukna þjónustuþörf á Leikskólanum Laut.
Óskað er eftir stuðningi á Leikskólanum Laut sem nemur 50% stöðu stuðningsfulltrúa og er gert ráð fyrir að kostnaðarauki verði 2.200.000 kr. á ári.
Bæjarráð samþykkir erindið og leggur til við bæjarstjórn að samþykkja viðauka að fjárhæð 2.200.000 kr. á launalið Leikskólans. Fjármögnun verði af handbæru fé.
2. 1601007 - Bæjarskrifstofa: Bílakaup skv. fjárhagsáætlun 2016
Bæjarráð samþykkir kaup á Chevrolet Spark, PFR81, að fjárhæð 1.000.000 kr. og felur sviðsstjóra fjármála- og stjórnsýslusviðs að undirrita kaupsamning og afsal.
3. 1601004 - Innanríkisráðuneyti: Reglugerð um bókhald, fjárhagsáætlanir og ársreikninga sveitarfélaga, 1212/2015
Reglugerðin er lögð fram.
4. 1512138 - Jöfnunarsjóður: Uppgjör
Bréf frá Jöfnunarsjóði lagt fram.
Þar kemur fram að framlag vegna grunnskóla og framlag vegna málefna fatlaðs fólks verði gert upp á greiðslugrunni frá og með árinu 2015. Því munu framlög 13 mánaða bókast á árið 2015.
5. 1511110 - Knattspyrnudeild UMFG: beiðni um framlengingu samnings um verktöku við umsjón mannvirkja
Erindinu frestað til næsta bæjarráðsfundar.
6. 1601019 - Kvennaráðgjöfin: Ósk um styrk
Bæjarráð getur ekki orðið við erindinu.
7. 1512073 - Miðgarður: Hönnun
Bæjarráð samþykkir fyrir sitt leiti að allt stálið verði keypt í einu fyrir báða áfanga. Bæjarráð treystir því að ríkið muni greiða sinn kostnaðarhluta við framkvæmdina.
8. 1512076 - Motus: Tilboð í greiningu á greiðsluhraða krafna
Bæjarráð hafnar tilboðinu.
9. 1601033 - Grunnskóli: beiðni um launalaust leyfi.
Bæjarráð samþykkir erindið.
Fleira ekki gert. Fundi slitið kl. 18:00.