Athugiđ
Upplýsingar vegna landris viđ Ţorbjörn Sjá nánar

Auglýst eftir frambođum í Ungmennaráđ Grindavíkur

  • Fréttir frá Ţrumunni
  • 1. desember 2015
Auglýst eftir frambođum í Ungmennaráđ Grindavíkur

Hefur þú áhuga á því að taka þátt í spennandi starfi Ungmennaráðs Grindavíkur? Í samræmi við samþykktir Ungmennaráðs er auglýst eftir framboðum í Ungmennaráðið. Eftirfarandi sæti eru laus: 

13-16 ára. Einn aðalmaður til tveggja ára. Einn varamaður til eins árs. Verði frambjóðendur fleiri en sæti í kjöri, skal fara fram bein kosning meðal nemenda í Grunnskóla Grindavíkur.

16-18 ára. Einn aðalmaður til tveggja ára, einn varamaður til eins árs. Verði frambjóðendur fleiri en sæti í kjöri, skal fara fram bein kosning á auglýstum framboðsfundi. Atkvæðisbærir eru ungmenni á aldrinum 16-18 ára með lögheimili í Grindavík.

Helsta markmið og hlutverk ungmennaráðs er;
1. að koma skoðunum og tillögum ungs fólks til viðeigandi aðila í stjórnkerfi sveitarfélagsins,
2. að gæta hagsmuna ungs fólks t.d. með umfjöllun og umsögnum um einstök mál sem snerta aldurshópinn sérstaklega,
3. að undirbúa árlegt þing ungs fólks í Grindavík í samstarfi við viðeigandi stofnanir og forstöðumenn,
4. að fulltrúar ráðsins þjálfist í lýðræðislegum vinnubrögðum og læri á stjórnkerfi sveitarfélagsins,
5. að vera ráðgefandi um framtíðarsýn í rekstri félagsmiðstöðva sveitarfélagsins,
6. að gera tillögur til bæjarstjórnar um stefnumörkun um málefni ungs fólks

Hægt er að kynna sér starfsemi Ungmennaráðs með því að skoða samþykktir þess og fundargerðir á heimasíðu Grindavíkurbæjar.

Tilkynningu um framboð skal senda á netfangið thorsteinng@grindavik.is. Senda skal nafn, heimilisfang, netfang og kennitölu. Framboðsfrestur er til og með 12. janúar 2016. Ef kemur til kosninga kemur verða þær viku síðar.

Nánari upplýsingar veitir Þorsteinn Gunnarsson, sviðsstjóri frístunda- og menningarsviðs.

Ungmennaráð Grindavíkur


Deildu ţessari frétt

AĐRAR FRÉTTIR

Fréttir / 13. febrúar 2020

Afar slćmt veđur í nótt og á morgun

Fréttir / 7. febrúar 2020

Grindavík - Keflavík á morgun kl. 16:00

Fréttir / 6. febrúar 2020

Sindri Björnsson til Grindvíkur

Fréttir / 4. febrúar 2020

Samverustund fyrir Pólverja í Kvikunni

Fréttir / 31. janúar 2020

W ten weekend dni otwarte w Kvikan

Fréttir / 31. janúar 2020

Opiđ hús í Kvikunni um helgina