Fundur haldinn 30. nóvember2015 kl. 19:00 á Papa‘s pizza.
Mættir:
• Elsa Katrín Eiríksdóttir
• Karín Óla Eiríksdóttir
• Lárus Guðmundsson, formaður.
• Þórveig Hulda Frímannsdóttir
• Ólafur Þór Unnarsson
• Þorsteinn Gunnarsson, sviðsstjóri
Þetta er síðasti nefndarfundar núverandi ungmennaráðs.
1. Körfutrampólínvöllur
Lárus formaður og Þorsteinn sviðsstjóri fóru yfir stöðuna. Innfluttur vellir sem hafa verið skoðaðir, m.a. frá Þýskalandi, Póllandi og Kína, eru afar dýrir og því er verið að skoða einfaldari lausnir, m.a. að láta íslenskt fyrirtæki framleiða prototýpu að svona velli. Von er á tilboði á næstunni frá íslensku fyrirtæki og verður málið unnið út frá því.
2. Grindavíkurappið
Sigurpáll Jóhannsson kerfisfræðingur kynnti uppfærslu á Grindavíkurappinu. Appið er tilbúið, Sigurpáll ætlar að gera smávæglegar uppfærslur og gera það klárt fyrir android. Það fer í loftið á næstu dögum og verður kynnt vel og vandlega.
3. Breytingar á samþykktum ungmennaráðs
Bæjarstjórn hefur samþykkt breytingar á samþykktum ungmennaráðs með smávægilegum breytingum og lækkað laun sem engu að síður eru góð.
Skipan ungmennaráðs verður sem hér segir:
„Ungmennaráð skal skipað sjö aðilum og þremur til vara.
A - Tveir úr nemenda- og Þrumuráði í 8. - 10. bekk hverju sinni, formaður og varaformaður, og einn til vara.
B - Tveir fulltrúar á aldrinum 13-16 ára og einn til vara. Annar aðalfulltrúi er kjörinn í eitt ár og hinn í tvö ár. Varamaður til eins árs. Auglýst skal eftir framboðum. Verði frambjóðendur fleiri en sæti í kjöri, skal fara fram bein kosning meðal nemenda í Grunnskóla Grindavíkur.
C - Þrír fulltrúar úr aldurshópnum 16 - 18 ára og einn til vara. Kjörinn er einn og tveir aðalmenn til skiptis. Varamaður til eins árs. Auglýst skal eftir framboðum. Verði frambjóðendur fleiri en sæti í kjöri, skal fara fram bein kosning á auglýstum framboðsfundi. Atkvæðisbærir eru ungmenni á aldrinum 16-18 ára með lögheimili í Grindavík. Með þessari samþykkt er komið í veg fyrir að allir í ungmennaráðinu hætti í einu."
4. Undirbúningur kosninga
Kosið verður í nýtt ungmennaráð í janúar. Verður auglýst eftir framboðum. Staðan er þessi:
A (nemenda- og Þrumuráð) - Formaður situr sjálfkrafa í ungmennaráði. Þar sem núverandi varaformaður situr þegar í ungmennaráði verður nemenda- og þrumuráð að tilnefna annan í stað varaformannsins, einnig þarf að tilnefna varamann í ungmennaráðið.
B (13-16 ára)- Karín Óla verður áfram í eitt ár. Kjósa þarf annan aðalmann til tveggja ára og varamann til eins árs. Auglýst skal eftir framboðum. Verði frambjóðendur fleiri en sæti í kjöri, skal fara fram bein kosning meðal nemenda í Grunnskóla Grindavíkur.
C (16-18 ára) - Elsa Katrín og Nökkvi verða áfram aðalmenn í eitt ár, kjósa þarf þriðja aðalmanninn til tveggja ára og varamann til eins árs. Auglýst skal eftir framboðum. Verði frambjóðendur fleiri en sæti í kjöri, skal fara fram bein kosning á auglýstum framboðsfundi. Atkvæðisbærir eru ungmenni á aldrinum 16-18 ára með lögheimili í Grindavík.
Auglýst verður eftir framboðum í Járngerði, á heimasíðum Grindavíkurbæjar og Grunnskóla Grindavíkur ásamt samfélagsmiðlum. Framboðsfrestur verður til 12. janúar. Ef kemur til kosninga verða þær viku síðar.
5. Fjárhagsáætlun 2016
Sviðsstjóri fór yfir fjárhagsáætlun ungmennaráðs.
6. Lokafundur
Þar sem þetta var lokafundur núverandi ungmennaráðs þökkuðu nefndarmenn og sviðsstjóri kærlega fyrir ánægjulegt samstarf undanfarin tvö ár. Starfið hefur gengið vel og ungmennaráðið unnið að mörgum spennandi verkefnum og komið starfinu í fastari skorður. Ungmennaráðið er mikilvægur vettvangur í lýðræðislegu samfélagi og er vonandi komið til að vera.
Fleira ekki bókað. Fundi slitið kl. 20:20.