Við á bókasafninu erum búin að bjóða tveimur rithöfundum í heimsókn til að lesa fyrir yngsta stigið í Hópsskóla og miðstigið hér á Ásabrautinni.
Í Hópsskóla kom Jenný Kolsöe með bókina "Amma óþekka og tröllin í fjöllunum" og Hilmar Örn Óskarsson kom og las upp úr bók sinni "Kamilla vindmylla og unglingarnir í Iðunni" fyrir miðstigið.
25. nóvember koma svo þær Birgitta Elín Hassel og Marta Hlín Magnadóttir og lesa upp úr nýjustu bókinni í bókaflokknum "Rökkurhæðir" fyrir unglingastigið.