Bæjarstjórn Grindavíkur samþykkti þann 29. september sl. að auglýsa tillögu að deiliskipulagi fyrir gamla bæinn í Grindavík skv. 1. mgr. 41. gr. skipulagslaga nr. 123/2010.
Skipulagssvæðið er alls 14,3 ha og tekur yfir elsta hluta þéttbýlis í Grindavík. Megin markmið skipulagsins er að skilgreina ramma um gamla bæinn og skapa heildarsvip fyrir svæðið. Deiliskipulagstillagan felur í sér ákvæði um götur, lóðastærðir, húsagerðir og gerir ráð fyrir að haldið verði í svipmót byggðarinnar og sögu svæðisins. Í tillögunni eru 3 nýjar götur og 20 nýjar lóðir. Tillögunni fylgir húsakönnun og skýringaruppdrættir.
Tillagan verður til sýnis á bæjarskrifstofum Grindavíkur, Víkurbraut 62, 2. hæð frá og með 14. október 2015 til og með 2. desember 2015 og á heimasíðu sveitarfélagsins.
Þeim sem telja sig eiga hagsmuna að gæta, er hér með gefinn kostur á að gera athugasemdir við tillöguna . Frestur til að skila inn ábendingum/athugasemdum er til 2. desember 2015 og skal senda þær, merktar „deiliskipulag fyrir gamla bæinn" á netfangið armann@grindavik.is eða skila þeim skriflega á bæjarskrifstofur Grindavíkur, Víkurbaut 62, 240 Grindavík.
F.h. bæjarstjórnar Grindavíkur
Ármann Halldórsson sviðsstjóri skipulags- og umhverfissviðs
Fylgiskjöl:
Húsakönnun (stór skrá, 109 mb)
Húsakönnun, skýringauppdrættir