1388. fundur Bæjarráðs Grindavíkur haldinn í bæjarstjórnarsal, þriðjudaginn 18. ágúst 2015 og hófst hann kl. 17:00.

Fundinn sátu:
Hjálmar Hallgrímsson varaformaður, Kristín María Birgisdóttir formaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Róbert Ragnarsson bæjarstjóri, Jón Þórisson sviðsstjóri fjármála- og stjórnsýslusviðs og Ármann Halldórsson sviðsstjóri skipulags- og umhverfissviðs.

Fundargerð ritaði: Róbert Ragnarsson, bæjarstjóri.

Dagskrá:

1. 1508037 - Bílastæði við Hópið: beiðni um lokafrágang
Sviðsstjóri skipulags- og umhverfissviðs tók þátt í afgreiðslu málsins.

Bréf Jóns Fanndals Bjarnþórssonar og Ingu Marínar Björgvinsdóttur dags. 6. ágúst lagt fram, þar sem þau óska eftir að malbikun bílastæða við Hópið fái flýtimeðferð og verði framkvæmt á árinu 2015.

Bæjarráð felur bæjarstjóra að svara erindinu, en framkvæmdin fer ekki fram á árinu 2015. Framkvæmdin er á fjárhagsáætlun ársins 2018 sem verður tekin til umfjöllunar í haust.

2. 1506082 - Umsókn um byggingarleyfi: Útistofa við Laut
Sviðsstjóri skipulags- og umhverfissviðs tók þátt í afgreiðslu málsins.

Skipulagsnefnd leggur til, í kjölfar grenndarkynningar, að veitt verði heimild til að flytja færanlega kennslustofu frá Ásabraut inn á lóð Leikskólans Lautar. Byggingarleyfi verði gefið út þegar tilskyldum gögnum hefur verið skilað.

Bæjarráð samþykkir flutninginn og felur sviðsstjóra skipulags- og umhverfissviðs að svara þeim er gerðu athugasemdir.

Fleira ekki gert. Fundi slitið kl. 17:50.

• Síðast uppfært: 19. ágúst 2015