Líkt og undanfarin ár heiðraði Sjómannadagsráð Grindavíkur aldna grindvíska afreksmenn úr sjómannastétt á Sjómannadeginum. Er þessi hefð nú orðin 45 ára gömul en Sjómanna- og vélstjórafélagið gaf út veglegt tímarit í ár til að minnast þessara tímamóta og þeirra einstaklinga sem hafa verið heiðraðir í gegnum árin.
Að þessu sinni voru fjórir einstaklingar heiðraðir. Þeir voru (frá vinstri á mynd): Helgi Ólafsson, Guðjón Þorláksson, Sævar Gunnarsson og Ólafur Rúnar Þorvarðarson.
Við óskum þeim til hamingju með viðurkenninguna og færum þeim um leið þakkir fyrir framlag sitt til höfuðatvinnuvegs Grindavíkur.