1381. fundur Bæjarráðs Grindavíkur haldinn í bæjarstjórnarsal, þriðjudaginn 12. maí 2015 og hófst hann kl. 17:00.
Fundinn sátu:
Kristín María Birgisdóttir varaformaður, Marta Sigurðardóttir áheyrnarfulltrúi, Guðmundur L. Pálsson varamaður, Ásrún Helga Kristinsdóttir varamaður og Jón Þórisson sviðsstjóri fjármála- og stjórnsýslusviðs.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Kristín María stýrði fundi í fjarveru formanns.
Dagskrá:
1. 1504005 - Áhorfendastúka: Galli í þakklæðningu
Til fundarins voru mættir Sigmar Árnason, byggingafulltrúi, og Þorsteinn Gunnarsson, sviðsstjóri frístunda og menningarsviðs.
Þeir fóru yfir tjón sem varð á þaki áhorfendastúkunnar á Grindavíkurvelli í roki fyrr í vetur. Þegar þakið var skoðað í kjölfar tjónsins kom í ljós að það var ekki sett á samkvæmt verklýsingu og teikningum.
Samþykkt að gefa verktakanum frest til næsta bæjarráðsfundar að koma með tillögu að lausn.
2. 1501264 - Aðalstjórn UMFG: Samstarfssamningur 2015-2018
Þorsteinn Gunnarsson, sviðsstjóri frístunda- og menningarsviðs, var mættur á fundinn og kynnti hann drög að samstarfssamningi við UMFG.
Bæjarráð fagnar því að kominn sé einn heilstæður samningur við UMFG og leggur til við bæjarstjórn að samningurinn verði samþykktur.
3. 1501011 - Frístundastarf Grindavíkurbæjar: Úttekt og stefnumótun
Þorsteinn Gunnarsson, sviðsstjóri frístunda- og menningarsviðs, var mættur á fundinn og fór hann yfir samráðsferlið við gerð stefnumótunarinnar og kynnti skýrslu um stefnumótun frístundastarfs Grindavíkurbæjar.
Bæjaráð lýsir yfir mikilli ánægju með vel unna stefnumótun frístundastarfs og færir þeim aðilum sem komu að vinnunni kærar þakkir fyrir vel unnið starf.
Bæjarráð samþykkir stefnumótunina fyrir sitt leiti og vísar henni til bæjarstjórnar til samþykktar.
4. 1505031 - Íþróttamiðstöð: Vegna nýbyggingar og viðhalds á búnaði í sundlaug
Íþróttamiðstöð óskar eftir viðauka við fjárhagsáæltun 2015 vegna búnaðarkaupa í nýju aðstöðuna að fjárhæð 3.500.000 kr.
Bæjarráð samþykkir viðauka að fjárhæð 3.500.000 kr. sem fjármagnaður verði með lækkun á handbæru fé og vísar honum til bæjarstjórnar til staðfestingar.
5. 1504103 - Minja- og sögufélag GRV: Sýning í Garðhúsi
Minja- og sögufélag Grindavíkur óskar eftir að fá "Gestahús" á Mánagötu 6 til afnota vegna sýningar á gömlum munum.
Bæjarráð tekur jákvætt í erindið og felur bæjarstjóra að gera drög að samningi og leggja fyrir bæjarráð.
6. 1505014 - Fjárhagsáætlun 2015: Yfirlit viðauka á árinu.
Lagt fram.
7. 1505028 - Reiknuð innri leiga: Viðauki við fjárhagsáætlun 2015
Sviðsstjóri fjármála- og stjórnsýslusviðs óskar eftir viðauka við fjárhagsáætlun 2015 að fjárhæð 147.467.778 kr. til gjalda á málaflokka aðalsjóðs. Fjármögnun er hækkun tekna eignasjóðs vegna innri leigu að fjárhæð 145.073.233 kr. og hækkun tekna Víðihlíðar vegna innri leigu að fjárhæð 2.394.545 kr.
Bæjarráð samþykkir viðaukann og vísar til afgreiðslu bæjarstjórnar.
8. 1505013 - Rekstraryfirlit janúar - mars 2015: Grindavíkurbær og stofnanir
Rekstaryfirlit lagt fram.
Bæjarráð frestar afgreiðslu málsins til næsta fundar þar sem ekki hafa borist umbeðin gögn og skýringar frá sviðsstjórum.
9. 1505030 - Innheimta vanskilakrafna: Samningur við Inkasso
Samningurinn lagður fram.
Gera þarf breytingu á 18. grein.
Breyttum samningi vísað til næsta bæjarráðsfundar.
10. 1505033 - Jarðirnar Vík, Rafnshús og hluta Júlíusarbletts í Grindavík.
Bæjarráð getur ekki tekið afstöðu til kaupa á Júlíusarbletti að svo stöddu.
Óskað er eftir nákvæmari upplýsingum um stærð og staðsetningu landsins sem verið er að bjóða Grindavíkurbæ að gera tilboð í.
11. 1501168 - Austurvegur 1: umsókn um byggingarleyfi áfangi 2
Fundargerð bygginganefndar íþróttamannvirkja frá 21. apríl lögð fram.
Fleira ekki gert. Fundi slitið kl. 19:25.