Suðvesturlínur Suðurnesjalína 2, 220 kV háspennulína í Grindavík. Í samræmi við ákvæði skipulagslaga nr. 123 frá 2010 veitti Grindavíkurbær, þann 22.04.2015, Landsneti hf. framkvæmdaleyfi fyrir byggingu þess hluta Suðvesturlína, Suðurnesjalínu 2, 220 kV háspennulínu, sem liggur innan sveitarfélagamarka Grindavíkur. Innan Grindavíkur mun línan liggja samsíða núverandi Fitjalínu 1, um 50m vestan hennar, frá tengivirki á Njarðvíkurheiði að tengivirki við Rauðamel.
Framkvæmdin nær til þriggja háspennumastra auk tengdra framkvæmda. Skipulags- og umhverfisnefnd Grindavíkur samþykkti umsókn Landsnets um framkvæmdaleyfið á fundi nefndarinnar þann 10. desember 2014 og bæjarstjórn Grindavíkur á fundi sínum þann 16. desember 2014. Álit Skipulagsstofnunar um umhverfisáhrif framkvæmdarinnar, skv. ákvæði laga um mat á umhverfisáhrifum nr. 106 frá 2000, liggur fyrir í áliti Skipulagsstofnunar frá 17. september 2009. Í álitinu er fjallað um svokallaðar Suðvesturlínur í heild en Suðurnesjalína 2 er hluti þeirrar framkvæmdar.
Framkvæmdaleyfið og tengd gögn má nálgast á hér að neðan.
Í samræmi við 4. gr. laga nr. 130 frá 2011, um úrskurðarnefnd umhverfis- og auðlindamála, er vakin er athygli á því að þeir sem eiga lögvarinna hagsmuna að gæta sem og umhverfis- og útivistarsamtök með minnst 30. félaga, enda samrýmist tilgangi samtakanna að gæta þeirra hagsmuna sem kæran lýtur að, geta kært útgáfu leyfisins innan mánaðar frá birtingu auglýsingar þessarar til úrskurðarnefndar umhverfis- og auðlindamála, Skuggasundi 3, 101 Reykjavík, sjá nánar heimasíðu nefndarinnar uua.is.
Grindavík, 4. maí 2015.
F.h. Grindavíkurbæjar,
Róbert Ragnarsson,
bæjarstjóri.
Matsskýrslur
Suðvesturlínur matsskýrsla - viðaukar
Fylgigögn
Lýsing mannvirkja vegna útgáfu framkvæmdaleyfis
Myndir og kort
Viðaukar
Frumrannsóknir á gróðurskemmdum
Mynd: Landsnet.is