Fundur haldinn 20. apríl 2015 kl. 20:00 í félagsmiðstöðinni Þrumunni.
Mættir:
• Nökkvi Harðarson
• Elsa Katrín Eiríksdóttir
• Karín Óla Eiríksdóttir
• Nökkvi Nökkvason
• Katrín Lóa Sigurðardóttir
• Lárus Guðmundsson, formaður.
• Ólafur Þór Unnarsson
• Þórveig Hulda Frímannsdóttir
• Þorsteinn Gunnarsson, sviðsstjóri
• Jóhann Árni Ólafsson, frístundaleiðbeinandi
• Halldóra Magnúsdóttir, skólastjóri

1. Ungt fólk og lýðræði - ráðstefna
Þórveig Hulda og Elsa Katrín sögðu frá ráðstefnunni Ungt fólk og lýðræði 2015 sem fór fram dagana 25.-27. mars á Hótel Stykkishólmi en þær voru fulltrúar Ungmennaráðs Grindavíkur á ráðstefnunni. Yfirskrift ráðstefnunnar var; Margur verður að aurum api - réttindi og skyldur ungs fólks á vinnumarkaði.

2. Grindavíkurapp
Er tilbúið en því miður er enn verið að bíða eftir samþykki frá IPhone að sögn Sigurpáls Jóhannssonar kerfisstjóra. Vonast er til að það verði tilbúið fyrir næsta bæjarstjórnarfund.

3. Bæjarstjórnafundur í apríl
Ungmennaráð fer inn á bæjarstjórnarfund 28. apríl. Rætt um að kynna eftirfarandi á fundinum:
a) Kynning á Grindavíkurappinu, ef það verður tilbúið. - NH
b) Kynning á Ungmennagarðinum. - LG
c) Áskoranir ungs fólks til bæjarstjórnar - KLS

4. Hugmyndavinna um Ungmennagarð
Farið yfir kostnaðaráætlun vegna Ungmennagarðsins á austurlóð Grunnskóla Grindavíkur og forgangsröðun miðað við fjárhagsáætlun. Farið svo út á lóð og svæðið fyrir garðinn mælt upp. Eftirfarandi var samþykkt fyrir fyrsta áfanga, 2015:
• Aparóla samkvæmt fyrirliggjandi tillögu
• Skýli. Þarf að útfæra betur og loka, svipað og er í Selskógi, en stærra.
• Útigrill samkvæmt fyrirliggjandi tillögu, svipað og á tjaldsvæðinu.
• Strandblakvöllur þar sem bláa útistofan er. Í framtíðinni mætti setja yfir hann yfir veturinn til að nýta sem tennisvöll.
• Minigolfbrautir. Beðið eftir frekari kostnaðaráætlun.
• Sófaróla. Hafa stærri rólu en kemur fram á teikningu.
• Rætt að hafa girðinguna svipaða og er á skólalóðinni við Víkurbrautina. Gegnt lögreglustöðinni við Ásbraut þarf að færa eða fjarlægja mönina til að færa aparóluna þar eins nálægt og kostur er til að nýta sem best plássið.
• Fyrir árið 2016: Trampólín körfuboltavöllur. Ungmennaráðið með formann í broddi fylkingar ætlar að kanna betur útfærsluna á þessu.

Samþykkt að sviðsstjóri boði til fundar með starfsmönnum bæjarins til að kynna verkefnið og koma því af stað svo hægt sé að vinna í þessu í sumar þegar skólinn er ekki í gangi.

Fleira ekki bókað. Fundi slitið kl. 21.30.

• Síðast uppfært: 21. apríl 2015