Andrea Ævarsdóttir hefur verið ráðin nýr forstöðumaður Bókasafns Grindavíkur sem er sameiginlegt almennings-
og skólabókasafn í Iðu. Hún er fædd 1977 og er með BA í bókasafns- og upplýsingafræði og nemur uppeldis og menntunarfræði. Hún hefur starfað sem bókasafns- og upplýsingafræðingur hjá Borgarsögusafni Reykjavíkur, embætti landlæknis og innanríkisráðuneytinu. Nú síðast hefur hún starfað á skólabókasafni Ingunnarskóla í Reykjavík. Andrea tekur til starfa með vorinu.
Hún ætlar að flytja til Grindavíkur ásamt fjölskyldu sinni. Við bjóðum hana hjartanlega velkomna til starfa.
Alls sóttu 10 manns um starfið.