Inga Bjarney komst áfram í söng- og hćfileikakeppni Samsuđ

  • Fréttir frá Ţrumunni
  • 23. desember 2014
Inga Bjarney komst áfram í söng- og hćfileikakeppni Samsuđ

Söng- og hæfileikakakeppni Samsuð (félagsmiðstöðva á Suðurnesjum) fór fram fyrr í mánuðinum. Keppnin var haldin í Hljómahöll í Reykjanesbæ og var umgjörð hennar öll hin glæsilegasta. Auðun Blöndal var kynnir kvöldsins og því var stemmingin ekki ólík því sem þekkist í Ísland got talent þáttunum vinsælu á stöð 2. Einnig mætti Steindi JR og var hann bæði í dómnefnd keppninar ásamt því að skemmta.

Keppnin var haldin með breyttu sniði þetta árið þar sem undankeppni fyrir Samfés söngkeppnina og hæfileikakeppnin voru sett saman í einn stóran viðburð. Már Gunnarsson sigraði í einstaklingskeppninni og hljómsveitin M8´s sigraði í liðakeppni.

Grindvíkingar áttu tvö atriði, eitt í einstaklingskeppninni og annað í hópakeppninni. Elín Björg, Karlotta Sjöfn og Heiðrún Fjóla stóðu sig vel í hópkeppninni þegar þær sungu og spiluðu lagið Húsið og ég. Inga Bjarney komst síðan áfram ísöngkeppni Kragans þegar hún söng lagið Á vængjum englana.

Söngkeppni Kragans fer fram í Grindavík þann 6. febrúar, og er búist við mörgum unglingum í heimsókn á þá keppni, frá Suðurnesjum, Hafnarfirði, Kópavogi, Garðabæ og Mosfelsbæ. Söngkeppni Kragans er síðasta undankeppni fyrir lokakeppnina sjálfa sem haldin er í Laugardalshöll í mars.

Efri mynd: Inga Bjarney í söng- og hæfileikakeppni Samsuð.

Karlotta Sjöfn, Elín Björg og Heiðrún Fjóla taka lagið í hópakeppninni


Deildu ţessari frétt