Vígsla nýs bókasafns og tónlistarskóla

  • Bókasafnsfréttir
  • 28. október 2014
Vígsla nýs bókasafns og tónlistarskóla

Formleg vígsla á nýju bókasafni og tónlistarskóla í sameiginlegri starfsstöð með grunnskólanum og félagsmiðstöðinni að Ásabraut 2 var fimmtudaginn 16. október síðastliðinn. Um 300 manns manns mættu við vígsluna sem tókst ákaflega vel.

Halldóra Magnúsdóttir stýrði vígsluathöfn á sal grunnskólans. Þar var tónlistaratriði, Kristín María Birgisdóttir forseti bæjarstjórnar flutti ávarp og þá voru afhent verðlaun fyrir nafnasamkeppni fyrir sameiginlega starfsstöð. Nafnið IÐAN varð fyrir valinu en sá sem átti tillöguna var Eggert Sólberg Jónsson. Fékk hann iPad í verðlaun.

Í kjölfarið var klippt á borða eins og tilheyrir vígsluathöfn sem þessari. Margrét Gíslasdóttir forstöðumaður bókasafnsins og Inga Þórðardóttir skólastjóri tónlistarskólans klipptu á borðann í sameiningu. Síðan tóku við skemmtilegir vígslutónleikar nemenda í sal tónlistarskólans og upplestur á bókasafninu.

Óhætt er að segja að þessi nýja aðstaða sé bylting fyrir báðar stofnanir. Bæjarstjórn Grindavíkur ákvað að sameina almennings- og skólabókasafn í nýju húsnæði við grunn-skólann. Jafnframt að nýtt húsnæði tónlistarskólans yrði í sömu byggingu. Markmið sameiningarinnar er að hagræða í rekstri og bæta þjónustu bókasafns fyrir skóla og almenning. Markmiðið með byggingu tónlistarskóla við grunnskólann er að auka samstarf skólanna enn frekar, efla samfellu í námi nemenda í grunn- og tónlistarskóla og stuðla að aukinni grósku í menningarlífi Grindvíkinga. 

Við þetta má bæta að félagsmiðstöðin Þruman hefur verið flutt úr Kvennó í grunnskólann. Nú þegar öll þessi starfsemi; grunnskóli, tónlistarskóli, bókasafn og félagsmiðstöð, er komin undir sama þak skapast miklir möguleikar í eflingu á menningartengdri starfsemi fyrir allar kynslóðir samfélagsins og húsnæðið mun verða suðupottur lærdóms, tómstunda og menningar öllum til heilla. Starfsstöðin mun iða af lífi og ber því nafn með rentu, IÐAN.

Kristín María Birgisdóttir forseti bæjarstjórnar flutti ávarp fyrir hönd bæjarstjórnar.

Nemendur tónlistarskólans buðu upp á tónleika.

Aðalinngangur í grunnskóla og tónlistarskóla.

Aðalinngangurinn fyrir bókasafnið.

Bókasafnið er glæsilegt.

Upplestur var á bókasafninu fyrir gesti við vígsluna.

Deildu ţessari frétt

AĐRAR FRÉTTIR

Fréttir / 21. janúar 2019

Matseđill vikunnar í Víđihlíđ

Fréttir / 18. janúar 2019

Pakkhúsiđ á Hofsósi fyrirmyndin

Fréttir / 18. janúar 2019

Grindavíkurbćr óskar eftir tölvumanni

Fréttir / 17. janúar 2019

Hreyfing 2019 - Zumbafitness

Grunnskólafréttir / 14. janúar 2019

Stjörnuhópar í heimsókn

Fréttir / 14. janúar 2019

Metađsókn á Ţorrablót Grindvíkinga

Fréttir / 11. janúar 2019

Stuđningsfjölskyldur óskast

Fréttir / 10. janúar 2019

Menningarvikan 2019 verđur 9. - 17. mars

Fréttir / 10. janúar 2019

Lokađ viđ Stamphólsveg fram ađ hádegi

Fréttir / 9. janúar 2019

Icelandic courses - Grindavík

Fréttir / 9. janúar 2019

Lífshlaupiđ: Landskeppni í hreyfingu

Fréttir / 8. janúar 2019

Hreyfing 2019 - CrossFit

Fréttir / 7. janúar 2019

Árleg flöskusöfnun um nćstu helgi

Fréttir / 6. janúar 2019

Ţrettándagleđi viđ Gjána í kvöld