Þá er komið að næstu laugardagsgöngu. Á morgun, laugardaginn 27. september kl. 11:00 verður gönguferð um rústirnar í Þórkötlustaðanesi og nágrenni (ef veður leyfir). Gönguferð með Pétri Guðjónssyni um fornar verstöðvar og rústir en þarna er hluti af atvinnusögu Grindavíkur, s.s. fjölmörg fiskbyrgi, hleðslur o.fl. Mæting norðan megin við veginn við Stafholt. Fólki er bent á að klæða sig eftir veðri.