Hreyfivikan í Grindavík hefst eftir viku (mánudaginn 29. sept. - 5. okt) og er dagskráin klár. Henni verður dreift í öll hús á fimmtudaginn en þeir sem vilja taka forskot á sæluna geta séð hana hér (PDF). Óhætt er að segja að viðtökurnar við Hreyfivikunni hafi farið fram úr björtustu vonum því alls eru um 65 viðburðir á dagskrá þar sem allir ættu að finna eitthvað við sitt hæfi.
Dagana 29. september til 5. október stendur yfir Hreyfvika (Move Week) í Evrópu. Grindavíkurbær tekur þátt í fyrsta skipti.
Tilgangur hennar er að hvetja til virkrar hreyfingar og þátttöku í íþróttum. Það eru samtökin International Sport and Culture Association (ISCA) sem standa fyrir verkefninu en Ungmennafélag Íslands fylgir því eftir hérlendis.
Skipuleggjendur Hreyfivikunnar í Grindavík eru frístunda- og menningarsvið Grindavíkurbæjar í samstarfi við forvarnarteymi UMFG, skóla, félög, stofnanir og ýmsa fleiri aðila sem koma að hreyfingu á einn eða annan hátt. Einnig hefur verkefnið hlotið styrki úr Lýðheilsusjóði.
Það er von okkar að sem flestir íbúar Grinda-víkurbæjar kynni sér það sem í boði er í Hreyfvikunni og taki þátt í einhverjum viðburðanna, skilji líka bílinn eftir heima og gangi eða hjóli í vinnuna. Vonandi getur hún einnig verið einhverjum hvatning til aukinnar hreyfingar eða þátttöku í íþróttum. Þetta er líka frábær
byrjun á Meistaramánuði sem haldinn er í
október ár hvert.
Stýrihóp Hreyfivikunnar skipa:
Við þökkum kærlega öllum þeim sem hafa lagt hönd á plóginn og boðið upp á glæsilega viðburði í Hreyfivikunni.
Vonandi finna allir eitthvað við sitt hæfi.