Viltu auglýsa vetrarstarfið í Frístundahandbókinni?

• Fréttir
• 19. ágúst 2014

Líkt og fjögur síðustu ár er fyrirhugað er að gefa út fyrir haustið FRÍSTUNDAHANDBÓKINA í öll hús í bænum þar sem hægt verður að finna upplýsingar um íþrótta- og tómstundafélög sem starfa í Grindavík og það starf sem verður í boði veturinn 2013 - 2014.  

Frístundahandókina í fyrra má sjá hér.

Æskilegt er að í handbókinni komi fram helstu upplýsingar um félagið/deildina. Nokkrar línur um starfsemi vetrarins, hverjir eru forsvarsmenn, aðsetur, heimasíða, netfang o.s.frv. Þá er gott að fá senda 1-2 myndir úr félagsstarfinu.
Hjá íþróttafélögum er æskilegt að upplýsingar um æfingatíma (æfingatöflur), hver þjálfar hvaða flokk/aldur o.s.frv. komi fram.
Eftirtalin félög eða félagstarfsemi hafa fengið sendan tölvupóst um að senda efni í handbókina:
- Aðalstjórn UMFG og deildir
- Golfklúbbur Grindavíkur
- Unglingadeildin Hafbjörg
- Björgunarsveitin Þorbjörn
- Slysavarnardeildin Þórkatla
- Kvenfélag Grindavíkur
- Hestamannafélagið Brimfaxi
- Hjónaklúbbur Grindavíkur
- Unghjónaklúbbur Grindavíkur
- AA-samtökin
- Grindavíkurkirkja
- Stangveiðifélag Grindavíkur
- Lionsklúbbur Grindavíkur
- Greip-félag handverksfólks
- Pílufélag Grindavíkur
- Bókasafnið
- Markmið, Skotfélag Grindavíkur
- Rauði krossinn
- Grindjánar, bifhjólaklúbbur

Þeir sem hafa hug á því að vera með upplýsingar um sitt félag eða sína starfsemi þurfa að senda þær á netfangið thorsteinng@grindavik.is í síðasta lagi miðvikudaginn 27. ágúst. Litið verður þannig á að þeir aðilar sem ekki senda inn upplýsingar fyrir þann tíma hafa ekki áhuga á að vera með í bæklingnum.

Fyrirhugaður útgáfudagur er upp úr mánaðarmótum.

• Síðast uppfært: 19. ágúst 2014