Sjónvarpsþáttur um 40 ára kaupstaðarafmæli Grindavíkurbæjar verður sýndur á sjónvarpsstöðinni ÍNN og á vef Víkurfrétta (vf.is) á morgun, fimmtudag. Víkurfréttir framleiða sjónvarpsþáttinn í samstarfi við Grindavíkurbæ. Þar verður sýnt frá hátíðarhöldunum síðasta fimmtudag og rætt m.a. við heiðursverðlaunahafa, forseta Íslands, forseta bæjarstjórnar og ýmsa fleiri á þessu bjarta hátíðisdegi sem tókst einstaklega vel.