Fyrsti skraffundur Grunnskólans var haldinn í dag. Foreldrar mættu þá í skólann og hittu stjórnendur á fundi í kaffistofu starfsfólks. Umræðuefnið var m.a. um heimanám, skólareglur, mötuneytismál og skólasókn svo eitthvað sé nefnt. Auk þess komu gestir með spurningar varðandi skólastarfið.
Þetta fundarform er nýtt í sögu skólans og hugsað í þá átt að efla samskipti heimila og skóla.
Á fundinum voru kynnt einkunnarorð skólans, virðing - vellíðan - virkni sem verða sýnileg í skólanum og á heimasíðu skólans í framtíðinni. Þá voru einnig kynntar fyrirhugaðar breytingar í leiðarljósi skólans.