Börnin í Stjörnuhóp á leikskólanum Krók fóru í sína árlegu heimsókn til Jónu Kristínar Þorvaldsdóttur, bæjarstjóra, á dögunum.
Hún sýndi þeim bæjarskrifstofurnar, kort af bænum, þau fengu veitingar og fengu að prófa ræðustól bæjarstjórnar.
Hver veit nema meðal þeirra leynist tilvonandi bæjarfulltrúi. Börnin notuðu lýðræðislegan rétt sinn til að koma ábendingum um umhverfi sitt á framfæri við bæjaryfirvöld með því að afhenda bæjarstjóranum bréf. Bæjarstjóri tók bréfinu vel og afhenti bæjartæknifræðingnum sem lofaði að gera eitthvað í málinu. Bréfið var svohljóðandi:
Kæri bæjarstjóri
Við erum búin að safna saman rusli í kringum blokkina. Okkur fannst ljótt í kringum húsið. Vitu tala við pabba hans Gunnlaugs Dags og segja honum að taka ruslið sem er í kringum blokkina. Okkur finnst líka að það á að hugsa vel um blokkina og umhverfið. Þessi blokk er rétt við hliðina á leikskólanum Krók. Viltu láta taka kranann sem er rétt við hliðina á blokkinni, hann er hættulegur.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
1,2 °C
