-
1,6 °C - NNA 5
Kvikan
- Grindavíkurbær
- 26. júní 2019
KVIKAN - Auðlinda- og menningarhús
Hafnargata 12 a
240 Grindavík
Sími 420 1190 / 420 1100
kvikan@grindavik.is
www.grindavik.is/kvikan
Opið er frá kl. 10:00-17:00 alla daga vikunnar hér má sjá gjaldskrá Kvikunnar og verð fyrir útleigu. Ath. að Kvikan er aðeins leigð út fyrir fundi og ráðstefnur en ekki veisluhalda.
Athugið! Tekið á móti stærri hópum aðra daga samkvæmt pöntunum.
Upplýsingamiðstöð ferðamanna í Grindavík er í Kvikunni og veitir hún almennar upplýsingar fyrir ferðamenn.
Hér má sjá glæsilegan bækling um Kvikuna.
Í Kviku eru tvær glæsilegar sýningar sem Björn G. Björnsson leikmyndahönnuður sá um að hanna:
Auk þess er að finna þar Guðberggstofu. Vandað safn og sýningu til heiðurs Guðbergi Bergssyni, einum virtasta rithöfundi Íslendinga fyrr og síðar. Guðbergur fæddist í Grindavík árið 1932 og ólst þar upp. Guðbergur hefur alla tíð tengst Grindavík sterkum böndum og var útnefndur heiðursborgari Grindavíkurbæjar árið 2004. Guðbergur býr hluta ársins í húsi sínu í Grindavík sem er húsið sem hann ólst upp í. Guðbergur varð áttræður í fyrra.
Meðal þess sem er í Guðbergsstofu eru allar bækur og öll verk sem gefin hafa verið út eftir Guðberg Bergsson á Íslandi. Skáldsögur, ljóðabækur, smásögur, barnabækur, sem samtals eru a.m.k. 36 verk. Auk bóka sem Guðbergur hefur þýtt úr erlendum málum sem skipta tugum. Sýnishorn af bókum og verkum Guðbergs sem þýdd hafa verið á erlend tungumál. Verk Guðbergs hafa komið út á 19 tungumálum um allan heim frá árinu 1961. Sýnishorn af óútgefnum verkum Guðbergs og saga og ferill Guðbergs Bergssonar er á stórum veggskiltum. Allar upplýsingar eru bæði á íslensku og ensku.
|
|
|
|
Sýningunni JARÐORKU er ætlað að fræða gesti um undirstöðuatriði íslenskrar jarðsögu og jarðfræði, skýra á einfaldan hátt eðli jarðhita, eldvirkni og jarðskjálfta. Á Íslandi eru einstök skilyrði til að sjá og rannsaka flest sem varðar jarðfræði, eldvirkni og jarðhita því að landið er ungt og enn í mótun. Segja má að Ísland sé gluggi inn í fortíðina en jafnframt framtíðina. Hér á Íslandi eru stærstu jöklar og þar með jökulár Evrópu, mestu há- og lághitasvæðin, óvenjumikil eld- og jarðskjálftavirkni auk stórbrotinnar náttúru. JARÐORKU er ætlað að varpa nokkru ljósi á þessa þætti um leið og hún skýrir fyrir gestum hvernig orkan í iðrum jarðar er beisluð til að hita upp þúsundir heimila á Suðurnesjum og sjá íbúum þeirra fyrir fersku drykkjarvatni og nokkurri raforku að auki. Á sýningunni eru 18 fræðslukassar með eftirfarandi þema: Sýningin er sett upp í samstarfi við HS Orku. |
Saga saltfiskverkunar á Íslandi þar sem fléttast inn í saga sjómennsku, þróun skipa, veiða og vinnslu, frá lokum hefðbundinnar verbúðarmennsku til þessa dags. Sýningin Saltfisksetrið er ljóslifandi saga sjómennsku. Hún er mjög forvitnileg fyrir erlenda ferðamenn, fróðleg fyrir skólafólk sem getur hér kynnt sér mikilvægasta atvinnuveginn og ánægjuleg fyrir hinn almenna Íslending sem fer í helgarbíltúr með fjölskylduna. Grindvíkingar hafa löngu verið drjúgir við Sýningin Saltfisksetrið var opnuð árið 2002. Saga salfisksins er sögð með stórum myndum, hnitmiðuðum texta og lýsandi munum. Mörkuð er ákveðin leið í gegnum sýninguna og sagan þannig rakin í tímaröð. Möl er á gólfi og leikmyndir af húsum frá ýmsum tímabilum sem skapa sérstaka og eftirminnilega upplifun. Ekkert var sparað til að gera sýninguna sem glæsilegasta enda hefur hún vakið mikla athygli. Grindavíkurbær var leiðandi aðili við byggingu setursins í samstarfi við stofnendur þess og aðra styrktaraðila í bænum. Björn G. Björnsson sýningarhönnuður sá um hönnun og uppsetningu beggja sýninganna í Kvikunni. |
- Síðast uppfært: 26. júní 2019