Athugiđ
Upplýsingar vegna landris viđ Ţorbjörn Sjá nánar

Sjóarinn síkáti

  • Grindavíkurbćr
  • 13. janúar 2020

Sjóarinn Síkáti 2020

Sjómanna- og fjölskylduhátíðin Sjóarinn síkáti í Grindavík hefur fest sig í sessi sem ein skemmtilegasta og fjölbreyttasta bæjarhátíð landsins. Hátíðin fer fram dagana 5.-7. júní 2020. 

Dagskrá hátíðarinnar er fjölbreytt og fjölmargt í boði fyrir alla aldurshópa. Sjóarinn síkáti er fjölskylduhátíði þar sem ungir sem aldnir geta fundið eitthvað við sitt hæfi frá morgni til kvölds. Upplýsingar um viðburði á hátíðinni er að finna hér á heimasíðunni og eru þeir sem vilja vera með viðburð á hátíðinni hvattir til þess að láta okkur vita á sjoarinnsikati@grindavik.is

Föstudagurinn einkennist af hátíðarhöldum og þátttöku heimamanna. Íbúar skreyta götur og hús í litum hverfa og klæða sig í samræmi við lit síns hverfis. Farin er Litaskrúðganga sem markar upphaf hátíðarhaldanna niður að hátíðarsvæðinu við Hafnargötu. Íbúar og gestir safnast saman á hátíðarsvæðinu og taka þátt í fjöldasöng. Kvöldið endar á Bryggjuballi á hátíðarsvæðinu.  

Á laugardeginum er boðið uppá fjölbreytta barnadagskrá, hægt er að fara í skemmtisiglingu, fjöldi leiktækja eru í boði fyrir gesti og andlitsmálun fyrir þá sem vilja. Tónleikar og viðburðir eru á veitingastöðum bæjarins og á hátíðarsviðinu verður fjölbreytt dagskrá fyrir börn á öllum aldri.

Sunnudagurinn einkennist af hátíðarhöldum Sjómannadagsins, til heiðurs sjómönnum og fjölskyldum þeirra. Hátíðarmessa verður í Grindavíkurkirkju þaðan sem gengið verður í Sjómannagarðinn þar sem krans verður lagður að minnisvarðanum Von. Þaðan liggur leiðin að hátíðarsvæðinu og eftir athöfn þar hefst fjölbreytt barnadagskrá. Leiktæki, andlitsmálning, fiskabúr með nytjafiskum og furðufiskum verða við höfnina. Eldri borgarar í Víðihlíð halda daginn hátíðlegan og fá til sín góða gesti. 

Dagskráin er fjölbreytt og þegar nær dregur verður tímasett dagskrá aðgengileg hér á síðunni.

Hátíðin hefur vaxið með hverju árinu, þar er fjölbreytt dagskrá alla helgina en mikið er lagt upp úr vandaðri barnadagskrá. Líkt og undanfarin ár verður bænum skipt upp í fjögur litahverfi. Björgunarsveitin Þorbjörn kemur að skipulagningu og gæslu. 

Sjóarinn síkáti:  sjoarinnsikati@grindavik.is  • www.sjoarinnsikati.is
Umsjón:  Grindavíkurbær í samstarfi við Sjómanna- og vélstjórafélag Grindavíkur.
Framkvæmd: Eggert Sólberg Jónsson, sviðsstjóri frístunda- og menningarsviðs. Sími 420 1100, eggert@grindavik.is 

Dagskrá hátíðarinnar 2019:

Dagskrá Sjóarans síkáta 2019

Dagskrá Sjóarans síkáta á pólsku -SJÓARANS SÍKÁTA PLAN IMPREZ NA DNI MARYNARZA W GRINDAVIKU 2019 

Dagskrá Sjóarans síkáta á ensku - THE HAPPY SAILOR FESTIVAL PROGRAM 2019

 

Hátíðarsvæði: Er við Kvikuna, auðlinda- og menningarhús Grindavíkur, við Hafnargötu og Seljabót. Upplýsingamiðstöð ferðamanna er í Kvikunni. Sjá www.grindavik.is/kvikan 

Sölustarfsemi á hátíðarsvæðinu er bönnuð nema með leyfi mótshaldara. Beiðnir um slíkt skal senda á sjoarinnsikati@grindavik.is

Ferðaþjónusta: Mjög fjölbreytt ferðaþjónusta er í Grindavík. Fáðu allar upplýsingar á www.visitgrindavik.is

Hundabann:  Bannað er að vera með hunda á hátíðarsvæðinu á Sjóaranum síkáta, frá kl. 20:00 á föstudagskvöldinu og frá kl. 13:00 - 17:00, laugardag og sunnudag.

 


Deildu ţessari frétt

AĐRAR SÍĐUR