Ungmennafélag Grindavíkur (UMFG) var stofnað 3. febrúar 1935 en hét þá Íþróttafélag Grindavíkur en var breytt í UMFG 1963 eftir að hafa legið í dvala um hríð. Malarvöllurinn, þar sem nú er aðalvöllur félagsins, var tekinn í notkun 1948. Knattspyrnulið UMFG tók fyrst þátt í deildarkeppni 1969 og vann sér fyrst sæti í úrvalsdeild 1994 og lék sama ár til úrslita um bikarmeistaratitilinn. UMFG hefur leikið í efstu deild síðan þá, ef undan er skilið 2007. Bylting varð haustið 2008 þegar opnað var nýtt fjölnota knattspyrnuhús. Saga körfuboltans í Grindavík hófst 1957 en körfuknattleiksdeildin var stofnuð 1974. Heimaleikir UMFG voru í fyrstu spilaðir í Njarðvík en bylting varð með nýju íþróttahúsi 1985. UMFG hefur unnið einn Íslandsmeistaratitil í karlaflokki og einn í kvennaflokki auk bikarmeistaratitla. Í UMFG eru nú nú starfandi sex deildir: Knattspyrnudeild, körfuknattleiksdeild, júdódeild, sunddeild, fimleikadeild og taekwondodeild.

Aðalstjórn UMFG 2010-2011:
Bjarni Már Svavarsson, formaður - formaður@umfg.is
Gunnlaugur Hreinsson, gjaldkeri
Gunnar Jóhannesson, varaformaður 
Ingvar Guðjónsson, ritari
Sigurður Enoksson, meðstjórnandi  

Nánari upplýsingar um einstaka deildir eru á heimasíðu félagsins, www.umfg.is

Netfang UMFG er adalsjorn@umfg.is