Án nokkurs vafa eitt glæsilegasta tjaldsvæði á landinu. Tekið í notkun 2009, nýtt þjónusthús tekið í notkn í maí 2011.  Um er að ræða 13.500 fm svæði sem staðsett er við Austurveg 26.

Helstu upplýsingar um nýja tjaldsvæðið við Austurvegi 26:

42 stæði fyrir húsbíla, fellihýsi og tjaldvagna. 30+ fyrir tjöld. Glænýtt 13.500 fermetra tjaldsvæði í Grindavík tekið í notkun í maí 2009. Afgirt svæði og sérhannað Fullkomin aðstaða til seyrulosunar. Malbikuð og hellulögð bílastæði í innkomu tjaldsvæðisins. Tvö leiksvæði fyrir börn með rólum, 2 köstulunum, kóngulóarneti o.fl.
Þjónustuhús: Fullkomið eldhús fyrir gesti til að elda, þvottahús, sturtur, internet o.fl.

Aðkoma: Þegar keyrt er inn í bæinn er ekið í gegnum hringtorg og svo beint áfram eftir Víkurbrautinni. Beygt til vinstri við Ránargötu og svo til vinstri inn Austurveg (við kirkjuna).

Aldurstakmark á tjaldsvæðinu fyrir þá sem ferðast einir er 18 ár.

Tjaldsvæði - gjaldskrá sumarsins 2011
Verð fyrir fullorðna kr. 900, ókeypis fyrir 14 ára og yngri,
Fjórða hver nótt ókeypis.
Kr. 500 fyrir félaga í félagi húsbílaeigenda.
Útilegukortið gildir á tjaldsvæðinu.
Hópar/ættarmót greiða eftir samkomulagi.
Rafmagn kr. 500, seyrulosun ókeypis.

Sími umsjónarmanns á tjaldsvæði er 660 7323.

Uppákomur: Bæjarhátíðin Sjóarinn síkáti, sjómannadagshelgina 3. - 5. júní. Fjölskylduhátíð með glæsilegri dagskrá frá Viðburða- og menningardagskrá Grindavíkurbæjar og Kvikunnar; Jónsmessuganga, listsýningar, náttúruvika, gönguhátíð, Þórkötlustaðaréttir o.fl. Sjá www.grindavik.is

Nýtt þjónustuhús á tjaldsvæðinu opnaði í maí 2011.