Vinabæirnir Grindavík og Piteå í Svíþjóð vinna að nokkrum sameiginlegum verkefnum. Eitt af þeim var að fá ungmenni í grunnskólunum og félagsmiðstöðvunum í vinabæjunum til þess að gera kynningarmyndbönd um sína heimabæi, með augum unga fólksins. Myndböndin eru nú tilbúin og virkilega gaman að sjá hversu ólík þau eru en afar skemmtilega unnin.
Skólaárið 2012-2013 kom upp sú hugmynd að gera vinaverkefni með vinabæ okkar Grindvíkinga í Svíþjóð Piteå. Eftir nokkurn tíma þar sem kastað var hugmyndinni á milli þá þróaðist hún út í það að gera kynningarmyndband um Grindavík fyrir vini okkar Í Piteå og sömuleiðis myndu þeir gera myndband fyrir okkur um Piteå. Afraksturinn er klár.
Myndbandið frá Piteå er gert af fimm stúlkum í 9. bekk í Pitholmsskolan. Þær fengu aðstoð frá Simon Olofsson ljósmyndara auk þess sem Ivar Johansson kom að klippingu, tónlistinni og lagði til eitthvað af myndunum.
Hér má sjá myndbandið frá ungmennunum í Piteá:
Nemendurnir Elvar Geir Sigurðsson, Friðfinn S. Sigurðsson og Haukur Arnórsson sáu um gerð myndbandsins fyrir hönd Grindavíkur. Öll tónlist í myndbandinu er frumsamin og leikin af þeim Friðfinni og Hauki en Elvar sá um myndatöku og klippingu. Yfirumsjón með verkinu hafði Pálmar Örn Guðmundsson.
Myndbandið frá Grindavík má sjá hér: