Um borð í Oddi V Gíslasyni

• Grunnskólafréttir
• 28. apríl 2020

Á 19.öld var prestur á Stað í Grindavík sem hét Oddur V Gíslason, hann barðist meðal annars fyrir því að íslenskir sjómenn lærðu að synda svo þeir mættu verða öruggari til sjós.  Bátur Björgunarsveitarinnar Þorbjarnar ber nafn þessa forystumanns.  Í dag fór nemendahópur í skoðunarferð um borð  í bátinn og tók á móti þeim Hafþór Helgason björgunarsveitarmaður.  Veðrið var dásamlegt, vart hægt að hugsa sér það betra.  Sjórinn spegilsléttur og auðvelt að gleyma stað og stund.   Þær Halldóra Halldórsdóttir kennari og Gerða Hammer stuðningsfulltrúi hafa lagt áherslu á útikennslu undir þeim kringumstæðum sem verið hafa undanfarnar vikur og ánægjan skín úr andlitum skjólstæðinga þeirra, víst er að nám af þessu tagi er ómetanlegt ekki síst á veirutímum.

• Síðast uppfært: 28. apríl 2020