Náttúrubingó í útikennslu

• Grunnskólafréttir
• 22. apríl 2020

Í menntun til sjálfbærni er útinám ein mikilvægasta leiðin til kennslu. Þar sem markmið þess er að opna augu nemenda fyrir umhverfi sínu og náttúru og hjálpa þeim við að uppgötva, skilja og virða. Úti læra nemendur líka ýmislegt sem aldrei verður numið innan húss af bók og útivistin bætir auk þess heilsu bæði líkamlega og andlega.  

Í dag fór hluti af 3. bekk í göngu að Þorbirni.
Á leiðinni var týnt rusl og eins og sjá má á myndum var pokinn ekki lengi að fyllast. Það fannst ýmislegt í náttúrunni.  Góður staður var fundinn til þess að borða nestið og var mosinn í kring skoðaður vandlega. Nemendum var svo skipt í 3 hópa og fóru þeir í náttúrubingó sem vakti mikla lukku og skipti miklu máli að skoða umhverfið vel. Ýmsar áhugaverðar umræður spruttu upp um lífverur, náttúruna, ruslið í umhverfinu okkar og Þorbjörn.

• Síðast uppfært: 22. apríl 2020