Nemendur í öllum árgöngum fóru í hina árlegu Mörtugöngu í dag en gangan er farin til minningar um Mörtu Guðmundsdóttur sem kenndi við Grunnskóla Grindavíkur áður en hún lést um aldur fram. Marta var mikill göngugarpur og gekk meðal annars á Grænlandsjökul.
Hver árgangur fór sína leið, 4.bekkur gekk út í Selskóg, 5.bekkur á Húsafell og 6.bekkur í Rásina og að Bjarnargili. Nemendur á unglingastigi gátu svo valið um nokkrar lengri leiðir og Gígaleiðin, Bláa Lóns hringurinn og Skipastígurinn meðal leiða sem voru í boði.
Hér fyrir neðan má sjá myndir frá hinum ýmsu göngum en nemendur stóðu sig með prýði og létu smá rok ekkert á sig fá.