Leiklist hluti af smiðjum í 5. bekk

• Grunnskólafréttir
• 10. janúar 2019

Í vetur hefur leiklist verið ein af smiðjum í 5. bekk. Kenndar eru tvær kennslustundir tvisvar sinnum í viku í 14 skipti og eru 11-12 nemendur í hverjum hópi.  Ýmislegt öðruvísi er gert í þessum leiklistartímum og skemmta börnin sér mjög vel í ýmsum leiklistaræfingum og leikjum.    Eitt af verkefnunum sem þau fá er að æfa stutta leikþætti og leika fyrir hvort annað.   Á mánudaginn var hópnum skipt í þrennt og fékk hver hópur eitt leikrit til að setja upp. þau lásu leikritin nokkrum sinnum yfir á mánudaginn og í dag miðvikudag fengu þau að velja sér búninga og léku síðan fyrir hvort annað.  Leikritin voru mjög stytt útgáfa af Rauðhettu, Gullbrá og Geitunum þremur.  Þetta gekk ótrúlega vel eins og sjá má á meðfylgjandi myndum.  Það eru margir upprennandi leikarar í þessum hópi.  

• Síðast uppfært: 10. janúar 2019