Stuðboltarnir farnir af stað

• Grunnskólafréttir
• 16. október 2018

Þá hefur stuðboltaverkefnið rúllað af stað þetta haustið og nú undir stjórn Helgu Fríðar Garðarsdóttur starfandi námsráðgjafa. Fundirnir verða fimm yfir veturinn og 1.-10.bekk skipt upp í þrjá hópa. 2. og 3.bekkur fundar saman, 4.-6.bekkur er saman og svo 7.-10.bekkur.

Bæði stuðboltar og varastuðboltar sátu fyrsta fund þar sem umræðuefni voru eftirfarandi.

1. Hrós. Hvernig lætur það okkur líða? Bæði þeim sem hrósa og einnig þeim sem hrósið fær? Kunnum við einhverja hrósleiki? Hvernig getum við meðvitað aukið það að hrósa hverju öðru, án þess að það sé vélrænt eða ósannfærandi?

2. Tungumálið okkar íslenska. Tungumálið hefur sérstöðu því einungis 310.000 af heiminum tala það. Erum við kannski að tapa tungumálinu okkar eins og við þekktum það? Er okkur alveg sama? Getum við eitthvað gert? Hvað með áhrif frá Youtub, tölvum og fleiru?

3. Önnur málefni. Krakkarnir fengu að ræða frjálst um breyttan og bættan skólabrag og ýmsilegt kom þar fram, allt frá hugmyndum af skemmtilegum þemadögum innan veggja skólans til þægilegri stóla til að sitja á í kennslustundum. 

Áður en Stuðboltarnir hittust var búið að ræða þessa þrjá punkta í bekkjunum og stuðboltafulltrúarnir fóru síðan á fundinn með punkta á fundina þar sem umræður héldu áfram. Krakkarnir stóðu sig með prýði en þetta verkefnið hefur gefið afar góða raun og þjálfar nemendur í umræðum, rökræðum og gefum þeim þar að auki tækifæri á að koma sínum hugmyndum á framfæri.
Hér má lesa fundargerðir Stuðboltana

• Síðast uppfært: 17. október 2018