Skráning er hafin í skólselið fyrir komandi vetur og fer hún fram í gegnum íbúagátt Grindavíkurbæjar. Skráning fyrir veturinn 2018-2019 verður opin til og með 6. ágúst. Börn skráð eftir þann tíma fara á biðlista. Í Skólaseli er boðið upp á skóladagvist fyrir nemendur í 1. - 3. bekk. Þar gefst foreldrum tækifæri til að lengja veru barna sinna í skólanum eftir að kennslu lýkur til kl: 16:00. Einnig er hægt að kaupa 15 mínútur aukalega, eða til 16:15.
Markmið starfsins er að koma til móts við þarfir samfélagsins, foreldra og atvinnulífs með því að skapa börnunum öruggan og notalegan samastað að skóla loknum. Dagurinn skiptist í frjálsan leik úti og inni og skipulagt starf svo sem föndur, leiki ofl. Lögð er áhersla á friðsamleg og jákvæð samskipti barna og fullorðinna og að dvölin geti verið lærdómsrík og skemmtileg.
Lokað er í vetrar-, jóla- og páskafríi, einnig á árshátíðardegi og vorgleði. Á öðrum skóladögum, þar sem vikið er frá venjulegu skipulagi s.s. á öskudegi og þemadögum opnar Skólasel um leið og dagskrá skóladagsins lýkur. Lokað er á starfsdögum.
Gjaldskrá skólasels er hér fyrir neðan. Greiða þarf fyrirfram hvern mánuð. Boðið er upp á hressingu. Verð á hressingu er 230 kr. fyrir hvern dag vistunar.
Allar upplýsingar fást hjá Sigurbjörgu umsjónarmanni Skólasels í síma 6607321 eða á póstfangið sigurbjorg@grindavik.is til 9. júní og eftir 10. ágúst.
Reglur um þjónustu frístundaheimilis við Grunnskóla Grindavíkur
Hægt er að kaupa áskrift að Skólaselinu samkvæmt eftirfarandi:
Allir dagar til kl. 15:00 - (12.970.- 1.jan. 2018) + síðdegishressing
Allir dagar til kl. 16:00 - (18.990.- 1.jan. 2018) + síðdegishressing
Hægt er að kaupa 15 mínútur aukalega frá 16:00 - 16:15. Verð: 140.-
Síðdegishressing 230 kr. (1.jan. 2018)
Afsláttarreglur, gilda með leikskóla og vistun hjá dagforeldri
Systkinaafsl. 2. barn 35%
Systkinaafsl. 3. barn 70%
Systkinaafsl. 4. barn og fleiri 100%