Dansfjör hjá 10. bekk

• Grunnskólafréttir
• 25. maí 2018

Á miðvikudaginn tóku nemendur í 10. bekk sig til og dönsuðu í salnum undir dyggri stjórn Hörpu Pálsdóttur danskennara. Dansinn er áralöng hefð sem nemendur 10. bekkjar undanfarin ár hafa skapað og er orðinn fastur liður í skólastarfinu á vorin.

Nemendur mættu prúðbúnir í skólann og dönsuðu fjölmarga dansa sem þau hafa lært hjá Hörpu í gegnum árin. Má þar nefna Polka, Vals og fjölmarga aðra dansa. Gaman var að sjá hversu vel nemendur stóðu sig en þessar stundir eru ávallt mjög skemmtilegar og nemendur skemmta sér vel.

Hér fyrir neðan má sjá fleiri myndir frá dansdeginum.

• Síðast uppfært: 25. maí 2018