Samræmd próf í Grunnskóla Grindavíkur

• Grunnskólafréttir
• 12. mars 2018

Eins og margir vita fóru samræmdu prófin hjá 9.bekk ekki nógu vel fram vegna tæknilegra mistaka hjá Menntamálastofnun. Ekki var unnt að taka íslenskuprófið á miðvikudag og ekki heldur enskuprófið á föstudag. Nemendur tóku stærðfræðiprófið á fimmtudag.

Mig langar að þakka nemendum 9.bekkja fyrir einstaklega mikla þolinmæði, þrautseigju og hugulsemi í þessum erfiðu aðstæðum. Það er mikið álag á nemendur að fara í svona stór próf og því mikilvægt að hafa allar aðstæður eins þægilegar og unnt er. Nemendur leggja mikið á sig við undirbúning fyrir prófin og allir voru mættir á réttum tíma og tilbúnir að gera sitt besta. Það fór sem fór og við vitum ekkert um framhaldið, hvort nemendur þurfi að endurtaka tilraunina eða ekki.

Með kveðju, Guðbjörg skólastjóri. 

• Síðast uppfært: 12. mars 2018