Sjómanna- og fjölskylduhátíðin Sjóarinn síkáti í Grindavík er ein stærsta bæjarhátíð landsins, haldin um Sjómannadagshelgina, 4. - 6. júní nk.. 

Hátíðin verður með svipuðu sniði og í fyrra en dagskráin hefur aldrei verið glæsilegri. Sjómanna- og vélstjórafélag Grindavíkur heldur sjómannadaginn sjálfan hátíðlegan með glæsilegri dagskrá. Líkt og í fyrra verður bænum skipt upp í fjögur litahverfi en það tókst frábærlega vel. Að þessu sinni verður skipuð dómnefnd sem mun velja best skreytta hverfið. Bæjarbúar eru hvattir til þess að halda götugrill og skapa góða stemmningu í bænum.

Að þessu sinni er umsjón Sjóarans síkáta í höndum Kristins Reimarssonar frístunda- og menningafulltrúa og Þorsteins Gunnarsson upplýsinga- og þróunarfulltrúa.

Þeir sem vilja taka þátt í hátíðarhöldunum með dagskráratriðum, uppákomum eða á einhvern annan hátt er bent á að senda tölvupóst á netfangið sjoarinnsikati@grindavik.is  

Dagskráin verður glæsileg líkt og undanfarin ár og verður mikið lagt upp úr því að virkja bæjarbúa til þátttöku. Dagskráin er í vinnslu en það sem liggur fyrir er bryggjuball á föstudagskvöldinu með Ingó og Veðurguðunum, ball í íþróttahúsinu með Í svörtum fötum, dorgveiðikeppni, söguratleikur, fjölbreytt barnaefni, ýmsar sýningar og uppákomur, tónleikar, skemmtisigling, kappróður, koddaslagur, heiðursverðlaun, leiktæki, fótboltamót hverfanna og ýmsar uppákomur verða en endanleg dagskrá verður tilbúin 10. maí.  Sjóarinn síkáti er bæjarhátíðin okkar og því mikilvægt að allir standi saman til þess að gera hana sem glæsilegasta.

Sjóarinn síkáti hefur fest sig í sessi sem ein skemmtilegasta og fjölbreyttasta bæjarhátíð landsins.

Dagskrá Sjóarans síkáta 2010

Bæjarhátíðin Sjórinn síkáti er haldin í góðu samstarfi við Sjómannadagsráð Grindavíkur og með virkri þátttöku allra bæjarbúa, verslunar- og þjónustufyrirtækja. Þá leggjast allir Grindvíkingar á eitt um að taka vel á móti þeim gestum sem sækja hátíðina heim.

Á Sjóaranum síkáta 2009 var Grindavíkurbæ skipt upp í fjögur hverfi eftir litum og verður sú skipting einnig 2010:

Appelsínugula hverfið (bátar)
Austurvegur, Þórkötlustaðahverfi, Stamphólsvegur, Hópsbraut, Vesturhóp, Austurhóp, Miðhóp, Suðurhóp ásamt verslunarmiðstöðinni (Víkurbraut 62).

Bláa hverfið (krabbar)
Túngata, Víkurbraut neðan pósthúss, Marargata, Garðvegur, Mánagata, Verbraut, Ránargata, Kirkjustígur, Mánasund, Vesturbraut, Mánagerði, Hellubraut, Dalbraut, Sunnubraut, Laut.

Græna hverfið (skeljar)
Heiðarhraun, Víkurbraut ofan pósthúss, Hvassahraun, Staðarvör, Staðarhraun, Norðurvör, Borgarhraun, Suðurvör, Arnarhraun, Fornavör, Skólabraut, Leynisbraut, Ásabraut, Leynisbrún, Hraunbraut.

Rauða hverfið (fiskar)
Skipastígur, Árnastígur, Vigdísarvelli, Glæsivellir, Ásvellir, Sólvellir, Blómsturvellir, Iðavellir, Höskuldarvellir, Hólavellir, Litluvellir, Selsvellir, Baðsvellir, Efstahraun, Gerðavellir.