Grunnskóli Grindavíkur

Skáld í skólum
Skáld í skólum

Í gær komu Atli Sigþórsson og Þórdís Gísladóttir og voru með dagskrá fyrir 7.-10. bekk sem heitir Puttaferðalag með ljóðskáldi og rappara. 

Dagskráin er frá "Skáldum í skóla" sem hafa boðið upp á undanfarin ár að höfundar komi í skóla og kenni skapandi lestur og veiti innsýn í hvernig bækur og önnur ritverk verða til og sýna börnum og unglingum fram á að þau geta líka skapað og skrifað.

Á næstu vikum verða "Skáld í skólum" aftur á ferðinni hér í Grindavík þar sem þau hitta nemendur á yngsta- og miðstigi en dagskráin þeirra er mjög fjölbreytt.

Á dagskrá í ár eru Platorð og flækjusögur fyrir yngsta stig, Að smíða sér heim fyrir miðstig, Puttaferðalag með ljóðskáldi og rappara fyrir unglingastig og svo ein tónlistardagskrá sem hentar öllum skólastigum, Skrópað í skóla lífsins.

Höfundarnir sem taka þátt í dagskránum ár eru Davíð Stefánsson og Margrét Tryggvadóttir, Gunnar Theodór Eggertsson og Ragnhildur Hólmgeirsdóttir, Atli Sigþórsson (Kött Grá pje) og Þórdís Gísladóttir og þeir félagar Aðalsteinn Ásberg Sigurðsson og Svavar Knútur.