Frístunda- og menningarfulltrúi Grindavíkurbæjar:
Kristinn J. Reimarsson
kreim@grindavik.is
Sími 420 1100.
Víkurbraut 62
240 Grindavík

Menningarmál tilheyra menningar- og bókasafnsnefnd sem er stefnumarkandi og ráðgefandi á sviði menningarmála í Grindavík. Frístunda- og menningarmálafulltrúi er starfsmaður nefndarinnar.

Í Grindavík er öflugt menningar- og listalíf. Kvikan, auðlinda- og menningarhús, er miðpunktur margvíslegrar menningarstarfsemi í bænum og að auki aðdráttarafl og upplýsingamiðstöð fyrir ferðamenn sem sækja staðinn heim. Í safninu eru tvær sýningar; Saltfisksetrið og Jarðorka.

Bókasafn Grindavíkur er upplýsingamiðstöð bæjarfélagsins og skipar stóran sess í menningarlífi bæjarins.
Flagghúsið er elsta hús Grindavíkur en það var gert upp og opnað 2008. Flagghúsið er einnig miðstöð menningar en þar má nefna sagnakvöld, prjónakaffi, söngskemmtanir og fleira.

Sjómannadagurinn er stærsti viðburður ársins í Grindavík en þá er haldin sjómanna- og fjölskylduhátíðin Sjóarinn síkáti. Þar er fjölbreytt dagskrá alla Sjómannadagshelgina, frá fimmtudegi til sunnudags. Þar er boðið upp á ýmsa menningarviðburði, fjölbreytta skemmtidagskrá fyrir alla aldurshópa, skemmtun öll kvöldin, bryggjuball, við höfnina eru mikil hátíðarhöld og svo mætti lengi telja. Sjóarinn síkáti hefur fest sig í sessi sem ein skemmtilegasta og fjölbreyttasta bæjarhátíð landsins.

Blásið er til mikillar menningarveislu í Grindavík seinni hlutann í mars undir yfirskriftinni Menning er mannsins gaman. Þá verður menningarvika með fjölbreytti dagskrá, að mestu leiti haldið uppi af grindvískum listamönnum á öllum aldri. Menningar- og bókasafnsnefnd hefur undirbýr menningarvikuna  ásamt frístunda- og menningarfulltrúa.

Gamla kirkjan hefur fengið nýtt hlutverk með nýjum tímum. Hún var reist árið 1909 og var byggingarefnið fengið að mestum hluta til úr gömlu kirkjunni að Stað sem hafði staðið frá 1858.

Viðburða- og menningardagskrá Kvikunnar og Grindavíkurbæjar:
Viðburða- og menningardagskrá Kvikunnar og Grindavíkurbæjar hefur verið árlegur viðburður. Meginmarkmið dagskráinnar er að stuðla að auknum ferðamannastraumi til Grindavíkur og næsta nágrennis og um leið að styrkja ferðamannaiðnaðinn í sveitarfélaginu. Dagskráin gengur út á að í hverjum mánuði sé eitthvað í boði sem hinn almenni ferðamaður getur hugsað sér að sækja til sveitarfélagsins sér til ánægju og fróðleiks. Einnig tekur dagskráin mið af því að heimamenn geti með auðveldum hætti verið virkir þátttakendur í menningarlífi sveitarfélagsins. Dagskráin er samansett af lista- og menningarviðburðum, uppákomum í mannlífi og fræðslu um nærumhverfið.  Verkefnastjóri er Sigrún Jónsdóttir Franklín.