Menningarvika í Grindavík 17.-15. mars 2012
Menningarvika Grindavíkur er nú haldin í fjórða sinn 17.-25. mars og hefur aldrei verið fjölbreyttari og veglegri. Formleg setning hátíðarinnar verður í Grindavíkurkirkju laugardaginn 17. mars þar sem verða ýmis tónlistaratriði og jafnframt verða afhent menningarverðlaun 2012.
Í kjölfarið tekur við hver viðburðurinn á fætur öðrum í menningarviku þar sem uppistaðan er framlag heimafólks auk þess sem fjöldi landsþekktra tónlistarmanna, listamanna og skemmtikrafta heimsækja Grindavík.
Menningarvikunni hefur verið vel tekið undanfarin þrjú ár. Allir leggjast á eitt við að bjóða upp á fjölbreytta og skemmtilega dagskrá. Tónleikar, skemmtanir, frásagnir, sýningar og uppákomur verða alla dagana á Kvikunni, bókasafninu, Bryggjunni, Salthúsinu, Aðalbraut, Kantinum, Miðgarði, sundlauginni, Grindavíkurkirkju, leikskólunum, tónlistarskólanum, Northern Light Inn, grunnskólunum, listastofum, verslunarmiðstöðinni, Sjómannastofunni Vör, hjá handverksfélaginu Greip o.fl. stöðum.
Grindvíkingar eru hvattir til þess að nýta sér tækifærið og fjölmenna á menningarviðburðina. Menningarvikan er skipulögð af Kristni Reimarssyni, sviðsstjóra frístunda- og menningarsviðs.
Dagskrá menningarvikunnar 2012 má sjá hér í Járngerði, fréttabréfi Grindavíkurbæjar.
Vel heppnađri menningarviku lokiđ
Menningarviku Grindavíkur lauk síðasta sunnudag þegar Gunnar Þórðarson var með tónleika á kaffihúsinu Bryggjunni. Menning í sinni víðustu merkingu hefur skipað stóran sess í Grindvísku samfélagi síðustu vikuna. Menningarvikan tókst með miklum ágætum og dagskráin ansi fjölbreytt og mikið af heimafólki steig fram á sjónarsviðið.
>> MEIRA
Viđburđaríkur tími í tónlistarskólanum
Það er óhætt að segja að undanfarnar tvær vikur hafi verið viðburðaríkar í tónlistarskólanum og í nægu að snúast. Nemendur hafa verið önnum kafnir við að þreyta vorpróf, stigspróf eða áfangapróf. Í menningarvikunni sá tónlistarskólinn um tónlistaratriðin á setningunni auk þess að spila út um allann bæ. Við heimsóttum leikskólana Laut og Krók, lékum tvo daga í síðustu viku í útibúi Landsbankans og stóðum fyrir nemendatónleikum í Víðihlíð. Hér fylgir myndasyrpa frá síðustu viku:
>> MEIRA
Dagskrá menningarviku sunnudaginn 25. mars
Þá er runninn upp lokadagur menningarviku Grindavíkurbæjar. Safnahelgi er á Suðurnesjum og er ókeypis á öll söfn, þar á meðal Kvikuna. Í dag er einnig listastofu Helgu opin, ZUMBApartý í Hópsskóla og þá er Gunnar Þórðarson tónlistarmaður með tónleika á kaffihúsinu Bryggjunni. Dagskráin í heild sinni er eftirfarandi:
>> MEIRA
Dagskrá menningarviku laugardaginn 24. mars
Þá er komið að næst síðasta degi menningarvikunnar. Um helgina er jafnframt Safnahelgi á Suðurnesjum og er ókeypis á öll söfn, m.a. á sýningarnar tvær í Kvikunni. Í dag er mikið um að vera í Kvikunni, m.a. er barnadagskrá, sagnastund og tónleikar með grindvískum hljómsveitum. Dagskráin er eftirfarandi:
>> MEIRA
Skemmtileg barnadagskrá í Kvikunni
Á morgun laugardag kl. 14:00 verður skemmtileg barnadagskrá í Kvikunni og er aðgangur ókeypis. Þar verður hin vinsæla hljómsveit Pollapönk, GRAL verður með Horn á höfði, Rapparinn Ari Auðunn mætir á svæðið og strákabandið Pabbastrákar.
>> MEIRA
Jón, Páll og pollarnir og Lógos međ tónleika í Kvikunni laugardagskvöld
Á morgun laugardaginn 24. mars kl. 20:00 verða tónleikar í Kvikunni með grindvískum hljómsveitum. Þær heita annars vegar Jón, Páll og pollarnir og hins vegar Lógos. Aðgangur er ókeypis og veitingasala á staðnum.
>> MEIRA
Listastofa Helgu Kristjánsdóttur verður opin föstudag, laugardag og sunnudag frá kl. 13-18 alla dagana að Vörðusundi 1, í tilefni menningarviku. Þar verður opin vinnustofa og eru allir velkomnir í heimsókn í notalega stemmningu og léttar veitingar.
>> MEIRA
Stjörnuhópur á heilsuleikskólanum Króki heimsóttu Miðgarð, félagsmiðstöð eldri borgara, síðasta miðvikudag en þetta er liður í verkefninu „Ungur nemur, gamall temur“ sem er samstarfsverkefni Króks og Miðgarðs.
>> MEIRA
Dagskrá menningarviku föstudaginn 23. mars
Þá er lokaspretturinn framundan í menningarviku Grindavíkurbæjar. Í dag mætir Gosi í Landsbankann, afhjúpað málsmíðaverk í fjölsmiðju skólans, listastofa Helgu er opin og þá er konukvöld UMFG í Eldborg og skemmtileg krónika á kaffihúsinu Bryggjunni, svo eitthvað sé nefnt. Hér er dagskrá fötsudagsins 23. mars:
>> MEIRA
Það var nóg um að vera í menningarvikunni í gær og fyrrakvöld. Þar má nefna tónleika, tónfund, opið hús í smiðjunni, fréttahauk og húllum hæ í verslunarmiðstöðinni, svo eitthvað sé nefnt. Hér má sjá myndir frá fjörinu:
>> MEIRA
Guđbergur međ upplestur á Bryggjunni - Myndband
Guðbergur Bergsson rithöfundur og heiðursborgari Grindavíkurbæjar var á kaffihúsinu Bryggjunni í gærkvöldi. Þar var dagskrá honum til heiðurs en Guðbergur sjálfur var með upplestur. Hér að neðan má sjá myndband frá upplestri Guðbergs. Þá er rétt að minna grindvíska króniku á Bryggjunni í kvöld. Diddi rafvirki, Didda í Ásbyrgi, Hilmar Knútsson og Alli sjálfur segja grindvískar sögur eins og þeim einum er lagið.
>> MEIRA
Viđ eigum hćfileikaríka krakka! - Bćjarsýning í kvöld
Í kvöld kl. 20:00 verður bæjarsýning á leikrit grunnskólans SAGAN SEGIR. Þetta er gamanleikrit sem fjallar um hóp af krökkum sem fara í Þórsmerkurferð og slúðrið sem verður eftir ferðina. Fulltrúi heimasíðunnar fór á bæjarsýninguna í gærkvöldi og getur staðfest að hér er ljómandi skemmtilegt leikrit á ferð sem sýnir svo vel hugar- og reynsluheim unglinganna enda sömdu þeir leikritið sjálfir.
>> MEIRA
Gissur hugsar fyrst og skýtur svo!
Einn skemmtilegasti fréttamaður landsins, Gissur Sigurðsson á Bylgjunni, verður gestur í opnu húsi MSS í Grindavík í kvöld kl. 19:30 (Landsbankahúsinu). Þar mun hann ræða við gesti undir yfirskriftinni HUGSUM FYRST - SKJÓTUM SVO. Allir velkomnir á meðan húsrúm leyfir.
>> MEIRA
Dagskrá menningarviku fimmtudaginn 22. mars
Guðbergur Bergsson, bæjarsýning á leikriti grunnskólans, Gissur Sigurðsson fréttamaður og líf og fjör í verslunarmiðstöðinni er á meðal þess sem boðið er upp á í menningarvikunni í dag. Auk þess er fjölmargt annað um að vera. Dagskrá fimmtudagsins 22. mars er þessi:
>> MEIRA
Einn af hápunktum menningarvikunnar er í kvöld fimmtudaginn 22. mars kl. 21:00 en þá verður Guðbergskvöld á kaffihúsinu Bryggjunni. Dagskráin verður tileinkuð Guðbergi Bergssyni rithöfundi og heiðursborgara Grindavíkur. Að sögn Aðalgeirs Jóhannssonar, verts á Bryggjunni, mun Guðbergur sjálfur vera með upplestur og síðan verður dagskrá tengd honum.
>> MEIRA
Tónlistarskólinn í heimsókn á Króki og Laut
Slagverksdeild tónlistarskólans var í morgun á ferðinni um bæinn og heimsótti leikskólanna Krók og Laut. Trommararnir Andri Hrafn Vilhelmsson, Leon Ingi Stefánsson og Vilberg Elí Dagbjartsson sýndu listir sínar við frábærar undirtektir yngstu kynslóðarinnar.
>> MEIRA
Upplestur, tónspil og Árni Johnsen í Miđgarđi
Í gær var upplestur og tónspil í Miðgarði þar sem nemendur úr 7. bekk og tónlistarskólanum komu í heimsókn í tilefni menningarviku. Þá mætti einnig Árni Johnsen alþingismaður með gítarinn og hélt uppi fjöldasöng.
>> MEIRA
Bćjarsýning á leikriti grunnskólans í kvöld
Í kvöld, miðvikudaginn 21. mars kl. 20:00, verður sérstök bæjarsýning á leikriti unglingastigs Grunnskóla Grindavíkur SAGAN SEGIR! sem frumsýnt var á árshátíð skólans í gær. Þetta er gamanleikrit sem fjallar um hóp af krökkum sem fara í Þórsmerkurferð og slúðrið sem verður eftir ferðina. Dans og söngatriði fléttast inn í leikritið sem er samið af unglingunum sjálfum. Leikstjóri er Guðmundur Jónas Haraldsson.
>> MEIRA
Skemmtilegt söng- og vísnakvöld
Bókasafnið stóð fyrir söng- og vísnakvöldi á kaffihúsi Bryggjunnar í gærkvöldi. Skemmtunin fór fram á efri hæðinni og mættu hátt í 150 manns þar sem m.a. boðið var upp á söng, kveðskap og upplestur, allt undir dyggri stjórn Agnars Steinarssonar.
>> MEIRA
Börnin skemmtu sér vel - Listaverk hjá 1. bekk
Samkomusalur Hópsskóla var þétt setinn í gær þegar Möguleikhúsið sýndi barnaleikritið Prumpuhólinn í tilefni menningarvikunnar. Leiksýningin var fyrir nemendur Hópsskóla og leikskólabörn sem kunnu sannarlega vel að meta þetta frumlega og skemmtilega leikrit. Alþjóðlegi barnaleikhúsdagurinn var í gær.
>> MEIRA
Dagskrá menningarviku miđvikudaginn 21. mars
Áfram heldur menningarveislan og í kvöld má nefna að bæjarsýning verður á leikriti grunnskólans, Sagan segir, sem frumsýnt var í gær við feikna undirtektir. Grindvíkingar eru hvattir til að sjá þessa frábæru sýningu. Þá er Margrét Eir og The Thin Jim and the Castaways á Salthúsinu, feðginin Sigurbjörn og Arney á Bryggjunni, opið hús í fjölsmiðju grunnskólans og mikið fjör í Miðgarði, svo eitthvað sé nefnt. Dagskráin er eftirfarandi.
>> MEIRA
Safnahelgi á Suđurnesjum – Ókeypis á öll söfn
Söfn á Suðurnesjum hafa tekið höndum saman um að bjóða í fjórða sinn upp á sameiginlega dagskrá helgina 24. - 25. mars n.k. Athygli er vakin á því að ókeypis er inn á öll söfnin og þá dagskrá sem er í boði, þ.e. í Reykjanesbæ, Grindavík, Garði, Sandgerði og Vogum. Dagskrá helgarinnar má sjá hér.
>> MEIRA
Gosi og tónlistarskólinn í Landsbankanum
Útibú Landsbankans í Grindavík tekur þátt í menningarvikunni og hefur bætt við atriðum frá tónlistarskólanum og þá mun Gosi sjálfur koma í heimsókn á föstudaginn. Dagskrá Landsbankans er eftirfarandi:
>> MEIRA
Feđgin á Bryggjunni - Breytt tímasetning
Feðginin Sigurbjörn Dagbjartsson og Arney Sigurbjörnsdóttir skemmta og stjórna fjöldasöng á kaffihúsinu Bryggjunni á morgun, miðvikudag, kl. 21:00. Þau voru áður auglýst næsta laugardagskvöld en því hefur verið breytt.
>> MEIRA
Klassísk tónlist og jazz í öndvegi - Myndband
Tónlistin er í aðalhlutverki menningarvikunnar, ekki síst klassísk tónlist og jazz. Hér að neðan má sjá myndband frá setningu menningarvikunnar þar sem nemendur tónlistarskólans voru í aðalhlutverki, frá tónleikum Helgu Bryndísar og Arnþórs Jónssonar og frá Kvartett Einars Scheving og jazzgeggjurum hans á Bryggjunni
>> MEIRA
Dagskrá menningarviku ţriđjudaginn 20. mars
Dagskráin er fjölbreytt í dag þriðjudaginn 20. mars í menningarvikunni. Má þar nefna árshátíðarsýningu (nemendasýningu) í grunnskólanum og árshátíðarball, söng- og vísnakvöld á kaffihúsi Bryggjunnar í umsjá bókasafnsins, leiksýningu í Hósskóla og upplestur í Miðgarði, svo eitthvað sé nefnt. Hér er dagskrá dagsins:
>> MEIRA
Ţakkir fyrir glćsilegt bakkelsi!
Kvenfélag Grindavíkur þakkar kvenfélagskonum kærlega fyrir að bregðast vel við kallinu og mæta með kökur og annað bakkelsi í kaffisölu Kvenfélagsins í safnaðarheimilinu á laugardag. Hérastubbur bakari færði Kvenfélaginu marsipantertu.
>> MEIRA
Fjölbreytt Söng- og vísnakvöld í Kvikunni - Dćda, Bakkalábandiđ, Jón Ágúst o.fl.
Grindvískt Söng- og vísnakvöld verður á Kaffihúsi Kvikunnar kl. 20:30 í kvöld í umsjón Bókasafns Grindavíkur. Agnar Steinarsson verður við stjórn og verður ýmislegt skemmtilegt á boðstólum og talið að Stigamenn verði ekki langt undan.
>> MEIRA
Það var sannarlega óvænt og skemmtileg uppákoma á frábærum tónleikum Margrétar Pálsdóttur og Ársæls Mássonar á kaffihúsinu Bryggjunni sl. sunnudagskvöld.
>> MEIRA
Gospelkór Fíladelfíu sló upp veislu - Myndband
Gospelkór Fíladelfíu hélt frábæra tónleika í Grindavíkurkirkju í gærkvöldi með Grindvíkinginn Margréti Einarsdóttur fremsta í flokki. Húsfyllir var á tónleikunum enda hefur kórinn hrifið marga landsmenn með kröftugum söng og gleði undir stjórn Óskars Einarssonar.
>> MEIRA
Menningarveisluborđ - Myndasyrpa
Menningarveisluborðið í Grindavík er fjölbreytt og ýmislegt um að vera alla dagana vikunnar. Hér má sjá myndir frá framlagi leikskólabarna, grunnskólabarna, Ómars Smára Ármannssonar, Kvartett Einars Schevings á Bryggjunni og fleiri til menningarvikunnar í Grindavík.
>> MEIRA
Sagan segir! - Fleiri viđtöl viđ leikara
Á mánudagskvöld fór fram generalprufa á árshátíðarleikriti skólans, Sagan segir! Óhætt er að fullyrða að hér er um stórfína skemmtun að ræða. Mikill metnaður er að baki sýningarinnar og standa leikarar sig virkilega vel í sínum hlutverkum. Frumsýningin sl. þriðjudag fyrir nemendur skólans. Bæjarsýningar verða síðan á miðvikudags- og fimmtudagskvöld kl. 20:00. Ritstjórn skólablaðsins í ár tók á dögunum viðtal við leikara og birtast nú viðtöl við þau Nínu og Daníel.
>> MEIRA
Flottir tónleikar á Bryggjunni í kvöld
Flottir tónleikar verða á kaffihúsinu Bryggjunni kl. 21:00 í kvöld þegar Kvartett Einars Scheving troða upp. Kvartettinn skipa þeir Einar Scheving, trommur. Eyþór Gunnarsson, píanó, Óskar Guðjónsson, sax og Valdimar Kolbeinn Sigurjónsson, bassi. Einar hefur þrisvar sinnum hlotið Íslensku Tónlistarverðlaunin, m.a. fyrir plöturnar Cycles (2007) og Land míns föður (2011).
>> MEIRA
Margrét syngur međ Gospelkór Fíladelfíu
Sannkallaðir stórtónleikar verða í Grindavíkurkirkju í kvöld kl. 20:00 með Gospelkór Fíladelfíu. Grindvíkingurinn Margrét Einarsdóttir syngur með kórnum og lofar hún frábærum tónleikum. Þá verður einvala hljómsveit með kórnum en hana skipa þeir Jóhann Ásmundsson og Friðrik Karlsson úr Mezzoforte, Brynjólfur Snorrason á trommur, Jóhann Eyvindsson á slagverk, Hjalti Gunnlaugsson á gítar og Óskar Einarsson á píanó.
>> MEIRA
Dagskrá menningarviku mánudaginn 19. mars
Dagskráin í dag, mánudaginn 19. mars, í menningarviku, er fjölbreytt og glæsileg. Opnaðar verða ljósmyndasýningar leikskólabarna, lóðasýning nemenda, Friðarliljur skemmta, opið hús hjá Greip og svo tveir stórtónleikar í kvöld; Gospelkór Fíladelfíu og Kvartett Einars Scheving, svo eitthvað sé nefnt. Dagskrána má sjá hér:
>> MEIRA
Leikskólinn Laut vann Grindovision
Árshátíð Grindavíkurbæjar var haldin í Eldborg með pompi og pragt sl. laugardagskvöld. Met þátttaka var á árshátíðinni en þemað að þessu sinni var Grindóvision þar sem stofnanir bæjarins kepptu sín á milli í Evrovisionlögum.
>> MEIRA
Viđburđarrík menningarhelgi - Myndasyrpa
Menningarvika Grindavíkurbæjar hófst um helgina og var fjölmargt skemmtilegt í boði. Reyndar setti veðrið strik í reikninginn í gærkvöldi því fresta þurfti tónleikum Valgeirs Guðjónssnar og Gospelkórs Fjölbrautaskóla Suðurnesja. En hér má sjá svipmyndir frá nokkrum viðburðum um helgina í menningarvikunni.
>> MEIRA
Menning er ţađ sem mótar samfélagiđ
Eftirfarandi pistill birtist í Járngerði frá formanni frístunda- og menningarnefndar: „Menningavika Grindavíkur verður haldin í fjórða sinn dagana 17. - 25. mars. Óhætt er að segja að þessi hátíð sé komin til að vera og er þetta orðinn einn af aðal viðburðum ársins hér í bæ.
>> MEIRA
Árshátíð Grindavíkurbæjar var haldin um helgina og er óhætt að segja að Grindovision söngvakeppnin hafi slegið í gegn. Leikskólinn Laut vann keppnina eftir harða keppni við bæjarskrifstofurnar/bókasafnið. Myndband frá Grindovision er nú komið á myndbandssíðuna og má sjá hér.
>> MEIRA
Margrét og Ársćll međ Blóđberg á Bryggjunni
„Blóðberg" er yfirskrift tónleika sem Ársæll Másson og Margrét Pálsdóttir halda á kaffihúsinu Bryggjunni í kvöld sunnudaginn 18. mars klukkan 21:00. Að sögn Margrétar munu þau skötuhjú flytja létta tónlist úr ýmsum áttum og fá heimsókn frá félögum sínum í Útsvarsliðinu.
>> MEIRA
Dagskrá menningarviku sunnudaginn 18. mars
Mikið er boði í dag sunnudag í menningarviku Grindavíkurbæjar. Má þar nefna töfranámskeið, tónleika í Grindavíkurkirkju með Helgu Bryndísi og Arnþóri Jónssyni, gospelmessu í kirkjunni með gospelkór Fjölbrautaskóla Suðurlands, fyrirlestur með Ómari Smára í Kvikunni, Blóðberg á Bryggjnni og tónleikar með Valgeiri Guðjónssyni í Kvikunni. Dagskráin er dag er eftirfarandi:
>> MEIRA
Dagskrá menningarviku laugardaginn 17. mars
Menningarvika verður sett í dag í Grindavíkurkirkju kl. 14:00. Síðan rekur hver viðburðurinn annan með myndlistasýningum, ljósmyndasýningu, tónleikum og árshátíð Grindavíkurbæjar. Hér má sjá dagskrá laugardagsins:
>> MEIRA
Ţorbjörn hf. fékk menningarverđlaunin 2012 fyrir minja- og myndasýninguna
Þorbjörn hf. fékk menningarverðlaun Grindavíkurbæjar 2012 við upphaf menningarviku í Grindavíkurkirkju í dag, fyrir minja- og myndasýningu sína. Gunnar Tómasson, framkvæmdastjóri og einn eigenda fyrirtækisins, veitti viðurkenningunni móttöku en hann stóð fyrir því að árið 2010 setti fyrirtækið upp sýningu á gömlum munum og myndum sem safnast hafa upp hjá fyrirtækinu í gegnum árin, bæði tengdum fiskveiðum og fiskvinnslu.
>> MEIRA
Tónlistin í ađalhlutverki viđ setningu menningarviku
Setning mennningarviku Grindavíkur var í dag kl. 13:00
Kristinn Reimarsson menningarfulltrúi ásamt bæjarstjóranum Róberti Ragnarssyni og fulltrúa menningarnefndar, Helgu Kristjánsdóttur héldu skemmtileg ávörp milli þess sem nemendur tónlistarskólans léku og sungu af stakri snilld. Auk þess voru menningarverðlaun Grindavíkur 2012 afhent.
Eftir athöfnina bauð Kvenfélag Grindavíkur upp á dýrindis kökur og kaffi í safnaðarheimilnu.
Þess er gaman að geta að tónlistarskólinn fagnar 40 ára afmæli í ár og má segja að hann standi á tímamótum þar sem framkvæmdir við byggingu nýs og langþráðs tónlistarskóla hefjast í sumar og einnig stefnir í að Stefanía Margeirsdóttir verði fyrsti nemandinn sem tekur burtfarar/lokapróf frá skólanum í maí.
Hér fylgja nokkrar myndir frá setningu menningarvikunnar:
>> MEIRA
Gospelkór Fjölbrautaskóla Suđurnesja međ gospelmessu
Gospelkór Fjölbrautarskóla Suðurnesja verður með gospelmessu í Grindavíkurkirkju nk. sunnudagskvöld kl. 20:00. Þetta er samstarfsverkefni kirkna á Suðurnesjum og er stjórnað af Arnóri Vilbergssyni organista í Keflavíkurkirkju.
>> MEIRA
Handverksfélagið Greip verður með opið hús um helgina þar sem Grindvíkingar geta kynnt sér starfsemi félagsins. Greip er með aðsetur að Skólabraut 8 (á bak við grunnskólann). Opið er laugardag frá kl. 10-16 og á sunnudaginn frá 11-16. Allir velkomnir! Einnig verður opið hús helgina 24. og 25. mars á sömu tímum.
>> MEIRA
Gudrid ţjófstartar menningarvikunni á Bryggjunni í kvöld
Menningarvikunni verður þjófstartað í kvöld en þá verða tónleikar á kaffihúsinu Bryggjunni kl. 21:00 með Gudrið Hansdottir. Hún er færeysk tónlistarkona sem býr í Reykjavík. Tónlist hennar er tregafull og falleg blanda af þjóðlagatónlist og poppi undir áhrifum hins færeyska veðurfars. Síðasta plata hennar Beyond the Grey hefur fengið góðar viðtökur hér á landi.
>> MEIRA
Hver fćr menningarverđlaunin 2012?
Formleg opnun menningarviku verður í Grindavíkurkirkju á morgun laugardag kl. 13:00. Þar verður ávarp bæjarstjóra og formanns Frístunda- og menningarnefndar. Nemendur úr tónlistarskóla Grindavíkur leika og þá verður afhending menningarverðlauna.
>> MEIRA
Kvenfélagiđ međ kaffisölu í safnađarheimilinu
Kvenfélag Grindavíkur verður með kaffisölu í safnaðarheimili Grindavíkurkirkju laugardaginn 17. mars nk. frá kl. 14-16. Menningarvika Grindavíkur verður sett í kirkjunni kl. 13 og því upplagt að gæða sér á eftir á heimabökuðum kræsingum kvenfélagskvenna.
>> MEIRA
Hið eina sanna styrktarkvöld körfuknattleiksdeildar kvenna verður haldið föstudaginn 23. mars í Eldborg.
Húsið opnar kl 19:30 með fordrykk. Í fyrra komust færri að en vildu svo það er best að tryggja sér miða í tíma. Forsala aðgöngumiða er hafin í PALÓMA. Miðaverð er aðeins kr 5.900.-
The Backstabbing Beatles á Bryggjunni og Rás 2 á laugardaginn
Grindvíska bítlabandið The Backstabbing Beatles spilar á Bryggjunni nk. laugardagskvöld, 17. mars, kl. 21:00 en dagskráin er hluti af menningarviku. Þetta bræðra- og frændaband, kennt við Ásgarð, hitar upp í morgunþætti Rásar 2, Bergsson og Blöndal, nk. laugardag kl. 11:00 þar sem þeir munu taka bítlalög í beinni.
>> MEIRA
Slúđur, baktal, vinskapur og fyrirgefning
Leikrit unglingastigs Grunnskóla Grindavíkur í ár heitir SAGAN SEGIR. Þetta er gamanleikrit sem fjallar um hóp af krökkum sem fara í Þórsmerkurferð og slúðrið sem verður eftir ferðina. Dans og söngatriði fléttast inn í leikritið sem er samið af unglingunum sjálfum. Leikstjóri er Guðmundur Jónas Haraldsson.
>> MEIRA
Helga Bryndís Magnúsdóttir píanóleikari og organisti við Grindavíkurkirkju og Arnþór Jónsson sellóleikari verða með tónlelika í Grindavíkurkirkju 18. mars kl. 14:00 í tengslum við menningarvikuna. Á efnisskránni eru sónötur fyrir píanó og selló eftir Brahms og Shostakovits.
>> MEIRA
Met aflabrögđ í menningu í Grindavík
Tolli, Valgeir Guðjóns, Gospekór Fíladelfíu, Gunni Þórðar, Margrét Eir, Helga Bryndís og Arnþór, Friðarliljurnar og The Backstabbing Beatles, bara til að nefna nokkra af þeim fjölmörgu listamönnum sem koma fram í menningarviku Grindavíkurbæjar 17.-25. mars nk. Tónleikar, leiksýningar, myndlistasýningar, ljósmyndasýningar, fyrirlestrar og skemmtanir verða í fyrirrúmi. Tónlistarskólinn, bókasafnið, grunnskólinn, Kvikan, kaffihúsin og fleiri aðilar leggja allir sitt af mörkum til eflingar menningar í Grindavík. Hér er um met aflabrögð að ræða.
>> MEIRA
Járngerði, fréttabréfi Grindavíkurbæjar, verður dreift í öll hús í dag. Blaðið er fjölbreytt að vanda en þar er m.a. að finna dagskrá menningarvikunnar sem hefst á laugardaginn og umfjöllun um einstaka viðburði en dagskráin hefur aldrei verið fjölbreyttari og glæsilegri en í ár.
>> MEIRA
Pálmar Guðmundsson kennari, þjálfari og tónlistarmaður sýnir á sér nýja hlið í menningarvikunni sem frístundamálari því hann opnar myndlistasýningu á annarri hæð verslunarmiðstöðvarinnar. Hann segist hafa byrjað að mála fyrir tveimur og hálfu ári og var hvattur til þess að vera með sýningu.
>> MEIRA
Margrét og Ársćll međ Blóđberg á Bryggjunni
„Blóðberg" er yfirskrift tónleika sem Ársæll Másson og Margrét Pálsdóttir halda á kaffihúsinu Bryggjunni sunnudaginn 18. mars klukkan 21:00. Að sögn Margrétar munu þau skötuhjú flytja létta tónlist úr ýmsum áttum.
>> MEIRA
Valgeir Guđjónsson skemmtir í menningarviku
Hinn landsþekkti tónlistarmaður Valgeir Guðjónsson verður með tónleika í Kvikunni sunnudaginn 18. mars kl. 20:00. Húsið opnar kl. 19:30 en aðgangseyrir er 1.500 kr. Valgeir hélt sem kunnugt er upp á 60 ára afmæli sitt með pompi og pragt fyrir skömmu með tónleikum í Hörpu sem tókust ljómandi vel og þá hefur hann gefur út safndisk með sínum vinsælustu lögum.
>> MEIRA
Bćjarfulltrúar mćta í heitu pottana
Þrír bæjarfulltrúar munum mæta í heitu pottana í Sundlaug Grindavíkur til að spjalla við gesti um málefni líðandi stundar. Hefur þetta mælst vel fyrir í menningarvikunni undanfarin ár. Röð bæjarfulltrúanna er eftirfarandi:
>> MEIRA
Fimmtudaginn 22. mars kl. 19:30 verður Miðstöð símenntunar að Víkurbraut 56 með opið hús í tilefni menningarvikunnar. Fréttahaukurinn Gissur Sigurðsson á Bylgunni mun ræða við gesti undir yfirskriftinni HUGSUM FYRST - SKJÓTUM SVO. Allir velkomnir á meðan húsrúm leyfir.
>> MEIRA
Gospelkór Fíladelfíu međ tónleika í menningarviku
Mánudaginn 19. mars kl. 20:00 verður sannkölluð gospelveisla í Grindavíkurkirkju en þá heldur Gospelkór Fíladelfíu tónleika. Hér er einstakt tækifæri til þess að hlýða á þennan frábæra kór en Gospelkór Fíladelfíu er kirkjukór Fíladelfíukirkjunnar í Reykjavík. Tónleikarnir eru hluti af menningarviku Grindavíkur 17.-25. mars nk.
>> MEIRA
Guđbergskvöld á Bryggjunni í menningarviku
Guðbergskvöld verður á kaffihúsinu Bryggjunni fimmtudaginn 22. mars kl. 21:00. Dagskráin verður tileinkuð Guðbergi Bergssyni rithöfundi og heiðursborgara Grindavíkur. Að sögn Aðalgeirs Jóhannssonar, verts á Bryggjunni, mun Guðbergur sjálfur vera með upplestur og síðan verður dagskrá tengd honum.
>> MEIRA
Söng- og vísnakvöld á vegum bókasafnsins í menningarviku
Þriðjudaginn 20. mars kl. 20:30 verður Söng- og vísnakvöld á Kaffihúsi Kvikunnar í umsjón Bókasafns Grindavíkur en þetta er hluti af dagskrá menningarviku Grindavíkur. Agnar Steinarsson verður við stjórn. Meðal þeirra sem koma fram eru Bakkalábandið, sem syngur lögin hennar Möggu, Sæbjörg M. Vilmundsdóttir (Dæda), sem flytur eigið efni og syngur líka með Friðarliljunum, Jón Ágúst Eyjólfsson, trúbador, Grænabakkabandið og fleiri.
>> MEIRA
Möguleikhúsiđ sýnir Prumpuhólinn
Þriðjudaginn 20. mars kl. 11:00 sýnir Möguleikhúsið barnaleikritið PRUMPUHÓLLINN í Hópsskóla í tengslum við menningarvikuna. Leiksýningin er fyrir nemendur Hópsskóla og leikskólabörn. Alþjóðlegi barnaleikhúsdagurinn er þennan dag.
>> MEIRA
Menningarvikan - Brúđubörn úr brúđusafni Rúnu Gísladóttur
Í menningarvikunni og um safnahelgina, stendur yfir sýning á Bókasafni Grindavíkur á handgerðum postulínsbrúðum Rúnu Gísladóttur, myndlistakonu og kennara. Á sýningunni verða brúður af ýmsum stærðum og gerðum.
>> MEIRA
Fjórir áhugaljósmyndarar međ sýningu í Kvikunni
Fjórir grindvískir áhugaljósmyndarar verða með ljósmyndasýningu í Kvikunni í menningarvikunni en myndirnar verða sýndar á stóru tjaldi. Ljósmyndarar eru: Haraldur H. Hjálmarsson, Eyjólfur Vilbergsson, Arnfinnur Antonsson og Valgerður Valmundsdóttir.
>> MEIRA
Í menningarvikunni 17. til 24. mars nk. verður alla dagana á opnunartíma Aðal-brautar VETTLINGASÝNING. Sýndir verða fjöldinn allur af heimaprjónuðum og hekluðum vettlingum frá grindvískum prjónakonum. Sjón verður sögu ríkari!
>> MEIRA
Tolli sýnir á Northern Light Inn
Hinn landsþekkti listmálari Tolli verður með myndlistasýningu á Northern Light Inn hótelinu meðan á menningarvikunni stendur, 17.-24. mars nk. Einnig verður ljósmyndasýning þar sem myndir birtast á stóru tjaldi. Myndefnið er Ísland og eru teknar af ljósmyndarnum Brooks Walker.
>> MEIRA
Menningarviđburđir Heilsuleikskólans Króks í menningarviku
Í Heilsuleikskólanum Króki verður unnið með grindvísku listamennina Guðberg Bergsson og Kaldalóns í menningarvikunni 17.-24. mars nk. Unnið er með verk eftir listamennina og munu börnin túlka og skapa bæði í tónlist og myndlist í tengslum við verkin. Afraksturinn af vinnunni verða tónleikar, myndlistasýning og myndband.
>> MEIRA
Tónlistarskólinn kemur víđa viđ í menningarvikunni
Tónlistarskólinn í Grindavík kemur að vanda víða við í menningarvikunni 17.-24. mars nk. þar sem nemendur munu spila opinberlega fyrir gesti og gangandi. Við opnunarhátíð menningarvikunnar í Grindavíkurkirkju verður tónlistarskólinn í aðalhlutverki. Þá koma nemendur skólans, með dyggri aðstoð kennara, fram í Víðihlíð miðvikudaginn 21. mars.
>> MEIRA
Vinsćlt ljósmyndanámskeiđ Oddgeirs og Ellerts í menningarvikunni
Ljósmyndanámskeið verður í Hópsskóla í menningarvikunni. Ljósmyndanámskeiðin sem ljósmyndararnir Oddgeir Karlsson og Ellert Grétarsson hafa verið að bjóða uppá sl. vikur hafa heldur betur slegið í gegn.
>> MEIRA
Menningarvika haldin í fjórđa sinn og aldrei meira spennandi
Menningarvika Grindavíkur er nú haldin í fjórða sinn og hefur aldrei verið fjölbreyttari og veglegri. Formleg setning hátíðarinnar verður í Grindavíkurkirkju laugardaginn 17. mars þar sem verða ýmis tónlistaratriði og jafnframt verða afhent menningarverðlaun 2012. Menningarvikan stendur til 24. mars.
>> MEIRA
Uppskriftakeppni um besta saltfiskréttinn 2012
Félagið Matur-saga-menning (MSM) og Grindavíkurbær standa fyrir uppskriftakeppni um besta saltfiskréttinn 2012. Matreiðslumennirnir Sigurvin Gunnarsson og Friðrik V. Karlsson meðlimir í MSM velja fimm uppskriftir. Hægt er að senda uppskriftir í tölvupósti til sigurvingunnars@simnet.is í síðasta lagi 23.mars.
>> MEIRA
Menningarverđlaun Grindavíkur - Óskađ eftir tilnefningum
Menningarverðlaun Grindavíkur verða afhent við setningu menningarviku laugardaginn 17. mars n.k. Verðlaunin geta verið veitt einstaklingi, stofnun eða samtökum sem viðurkenning fyrir eftirtektarvert framtak á sviði lista og menningar.
>> MEIRA
Ađeins 4 sýningar eftir hjá GRAL
Sýning GRAL á Endalokum alheimsins hefur hlotið einróma lof áhorfenda og gagnrýnenda. Sýnt í Kvikunni, Hafnargötu 12a. Miðasala á www.midi.is, í síma og við inngang en aðeins fjórar sýningar eru eftir. Hér má sjá brot af gagnrýni:
>> MEIRA
Myndband - Fuglasöngurinn í flutningi kirkjukórsins
Í Menningarvikunni voru haldnir skemmtilegir tónleikar í Grindavíkurkirkju sem Helga Bryndís Magnúsdóttir organisti stjórnandi kirkjunnar stóð fyrir sem helgaðir voru dýralögum og voru undir yfirskriftinni Dýrin mín stór og smá. Meðal annars flutti kirkjukórinn lagið The Humming Bird song. Margrét Pálsdóttir tók upp þetta myndband sem fylgir fréttinni.
Líf og fjör í Menningarvikunni
Mikið var um að vera í Menningarvikunni í gærkvöldi. Um 50 konur mættu í Zumba fjör í íþróttahúsinu og var mikil stemmning. Fullt var í Salthúsinu þar sem var dagskrá með yfirskriftinni Grindavíkurnætur. Dúettinn BúBilló með Pálmar Guðmundssyni og Svani tóku grindvísk lög ásamt Hólmfríði Samúelsdóttur.
>> MEIRA
Lokadagur Menningarviku - Tónleikar og Krónikka
Lokadagur Menningarviku er runninn upp og verður ýmislegt um að vera í dag. Áhugaverðir tónleikar verða í Grindavíkurkirkju, skotfélagið Markmið kynnir starfsemi sína og á Bryggjunni verður dagskrá sem nefnists Krónikkn þar sem nokkrir valinkunnir Grindvíkingar fara með Grindavíkursögur og bátasagnfræði. Dagskráin í dag er eftirfarandi:
>> MEIRA
Menningarvika - Myndbönd frá Króki og Laut
Við setningu Menningarhátíðar í Grindavíkurkirkju var ætlunin að sýna stuttmyndir frá leikskólunum í Grindavík, Króki og Laut. Vegna birtuskilyrða í kirkjunni nutu myndböndin sín ekki nógu vel og var því aðeins sýnt fyrra myndbandið. Hér má hins vegar sjá þessi myndbönd í fullri lengd sem eru fræðandi og stórskemmtileg.
Menningarvika - Zumba, Grindavíkurnćtur međ RIP og Uppistand
Menningarvika Grindavíkur nær hámarki í dag þegar hver stórviðburðurinn rekur annan. Þar má nefma ZUMBA-partý í íþróttahúsinu, Grindavíkurnætur í Salthúsinu með RIP og fleiri, Uppistand á Kantinum, tónfundi í Víðihlíð auk þess sem Listastofa Helgu er opin í dag. Dagskráin er eftirfarandi:
>> MEIRA
Myndband - Maggi Eiríks og KK í stuđi
Magnús Eiríksson og KK voru með tónleika á kaffihúsinu Bryggjunni í gær og var fullt út úr dyrum. Þeir léku og sungu alla sínu helstu perlur sem eru ófáar og fóru á kostum. Sprelluðu og sögðu sögur á milli laga og voru sannarlega í essu sínu. Með því að smella á myndina á neðan má sjá smá myndband frá tónleikunum.
Ţrjár aukasýningar á Okkar eigin Grindavík - Bjóđa eldri borgurum
Leiksýning grunnskólans Okkar eigin Grindavík hefur sannarlega slegið í gegn. Þess vegna ætla nemendur á unglingastiginu í samráði við stjórnendur að bjóða upp á þrjár aukasýningar á verkinu í næstu viku.
>> MEIRA
Menningarvikan - Maggi Eiríks og KK, Ţórhallur miđill og Bćjarsýning
Fjölbreytt og flott dagskrá er í dag, fimmtudag, í Menningarvikunni. Má þar nefna Magnús Eiríksson og KK á Bryggjunni, Þórhall Guðmundsson miðil í Kvennó og seinni bæjarsýninguna á árshátíðarleikriti grunnskólans, Okkar eigin Grindavík.
>> MEIRA
Myndband - Skapandi og skemmtilegir unglingar
Okkar eigin Grindavík er yfirskriftin á árshátíðarleikriti Grunnskóla Grindavíkur sem er í leikstjórn Mörtu Eiríksdóttir. Sköpunargleðin er alls ráðandi því nemendurnir sjálfir lögðu grunninn að handritinu og skrifuðu texta við lögin sem leikstjóri setti saman í handrit. Útkoman er stórskemmtileg sýning sem sýnir fyrst og fremst hversu skapandi, frjóa og skemmtilega unglinga við eigum hér í Grindavík. Enda hafði leikstjórinn á orði hversu einstaklega skemmtilegur nemendahópur þetta er.
Myndband - Brynhildur fór á kostum
Leik- og söngkonan Brynhildur Guðjónsdóttir hélt tónleika á Bryggjunni í gærkvöldi ásamt undirleikaranum Ástvaldi Traustasyni tileinkaða Edit Piaf í nýjum og troðfullum sal á efstu hæð. Þar sögn Brynhildur lög sem Piaf gerði fræg á sínum tíma og spjallaði á milli laga.
>> MEIRA
Gríðarlega stemning ríkti innan veggja Grunnskóla Grindavíkur í gærkvöldi þegar nemendur úr 5. - 10. bekk komu saman til að skemmta sér. Dansleikurinn var mjög vel sóttur og má með sanni segja að þakið haf ætlað af skólanum þegar fjörið stóð sem hæst. Það var enginn annar en Páll Óskar Hjálmtýsson sem sá um að trylla lýðinn. Poppgoðið spilaði allt það heitasta í tónlistinni auk þess að taka nokkur lög sjálfur við mikinn fögnuð viðstaddra.
>> MEIRA
Skemmtileg og frćđandi menning
Í gær var m.a. skemmtileg dagskrá á bókasafni, á Bryggjunni og í Víðihlíð í Menningarvikunni. Á bókasafninu var dagskrá sem bar yfirskriftina Fjölskylduskemmtun sem var vel sótt og tókst ljómandi vel.
>> MEIRA
Síđasti dagur uppskriftarkeppninnar um bestu saltfiskréttina
Saltfisksetrið og félagið Matur-saga-menning standa fyrir uppskriftarkeppni um bestu saltfiskréttina 2011. Sigurvin Gunnarsson matreiðslumeistari og fleiri góðir meðlimir MSM velja fimm uppskriftir. Hægt er að senda uppskriftir í tölvupósti til matarsetur@matarsetur.is í síðasta lagi í dag, 5. apríl. Vinningsuppskriftir verða valdar í lok menningarviku Grindavíkur 2. - 9. apríl, sjá nánar um fjölbreytta dagskrá á www.grindavik.is
>> MEIRA
Menning er góđ - Falleg eins og blóm
Nemendur Grunnskóla Grindavíkur hafa látið mikið að sér kveða í Menningarviku Grindavíkur. Fyrir helgi voru sett prjónalistaverk á ljósastaura við Víkurbrautina. Í gær var opnuð ljóðasýning nemenda úr 5. bekk í sundlauginni og í Landabankanum var opnuð sýning nemenda í 3. bekk Hópsskóla á verkum tengdum þjóðsögum í Grindavík.
>> MEIRA
Myndband - Frá árshátíđ Hópsskóla
Árshátíð 1.-3. bekkja fór fram í Hópsskóla fyrir skömmu eins og má lesa hér. Árshátíðin tókst ljómandi vel. Búið er að klippa saman myndband með nokkrum atriðum frá árshátíðinni og er hægt að sjá það með því að smella á myndina hér að neðan.
>> MEIRA
Myndband - Frá setningu Menningarhátíđar
Menningarhátíð Grindavíkur var sett með pompi og pragt síðasta laugardag eins og lesa má hér. Þar komu fram nemendur Tónlistarskóla Grindavíkur sem léku á ýmis hljóðfæri og einnig tóku söngnemendur lagið. Jafnframt fluttu Valdís Kristinsdóttir formaður menningar- og bókasafnsnefndar og Róbert Ragnarsson ávörp. Myndband frá setningunni má sjá með því að smella á myndina hér að neðan.
>> MEIRA
Dagskrá menningarviku í dag - Árshátíđ, sögustund og Edit Piaf
Ýmislegt er um að vera í dag, þriðjudaginn 5. apríl, á fjórða degi Menningarviku. Þar má nefna árshátíðarleikritð í Grunnskólanum, Edit Piaf á Bryggjunni og töframaður og sögustund í Aðal-braut. Þá er rétt að vekja athygli á því að Helga Kristjánsdóttir listmálari er með sýningu á málverkum sínum á kaffihúsinu Bryggjunni. Dagskráin í dag er eftirfarandi:
>> MEIRA
Við setningu Menningarviku í Grindavíku fyrir ári síðan hófst tilraun til þess að prjóna lengsta trefil í heimi. Við mælingu nú fyrir helgi kom í ljós að búið er að prjóna 1,45 kílómetra. Segja má að það gangi því hægt en örugglega að prjóna trefilinn sem á að nást til höfuðborgarsvæðisins. Á myndinni er Lovísa Sveinsdóttir sem hefur prjónað allra mest í trefilinn eða 28,04 metra síðan í ágúst. Áfram er stefnt að því að prjóna lengsta trefil í heimi.
>> MEIRA
Sannkallaðir stórtónleikar voru í Grindavíkurkirkju í gærkvöldi þegar hinn eini og sanni Kristján Jóhannsson stórtenór hélt þar tónleika ásamt Rósalind Gísladóttur mezzó-sópran og Antoni Sigurðssyni. Tónleikarnir stóðu sannarlega undir væntingum því þremenningarnir voru í miklu stuði og Kristján tók sjálfa Hamraborgina í lokin að beiðni Dagbjarts Einarssonar og gerði það með stæl og bætti við að hann væri eini Íslendingurinn sem gæti sungið hana í réttri tónhæð!
>> MEIRA
Menningarvikan í dag - Fjölskyldudagskrá á bókasafni og bókmenntakvöld á Bryggjunni
Nóg er um að að vera í dag í menningarvikunni. Börn opna ýmar sýningar og þá verður glæsileg dagskrá bæði á Bókasafninu og á Bryggjunni og tónleikar í Víðihlíð. Dagskráin í dag er þannig:
>> MEIRA
Menningarvikan fer vel af stađ
Menningarvikan fór vel af stað um helgina. Á laugardagskvöldið voru tvennir afar skemmtilegir tónleikar. Á Salthúsinu voru gítarsnillingarnir Pétur Valgarð Pétursson og Júlíus Hjörleifsson sem fluttu spænsk lög eftir Joaquin Sabina og fluttu sögmola á milli laga. Yfirskrift tónleikanna var Sabina: Sól og saltfiskur en þessi flutningur átti vel við í saltfiskbænum Grindavík og hvergi betur en í sjálfu Salthúsinu!
>> MEIRA
Okkar eigin Grindavík á morgun kl.15:30
Fyrsta sýning á unglingaleikritinu Okkar eigin Grindavík, verður á morgun klukkan 15:30 á sal skólans. Því miður misritaðist tímasetningin í dagskrána sem er að finna í Járngerði og á vef Grindavíkur. Þessi sýning er sérstaklega ætluð nemendum á unglingastigi skólans. Tvær bæjarsýningar verða fyrirhugaðar til viðbótar þar sem allir bæjarbúar eru velkomnir. Þær verða á miðvikudag kl. 20:00 og fimmtudag á sama tíma. Til sölu verður einnig stórglæsilegt árshátíðarblað auk þess sem kaffiveitingar verða til sölu í hléinu.
>> MEIRA
Undirbúningur fyrir árshátíđ unglingastigs í fullum gangi
Stórviðburður skólaársins í Grunnskóla Grindavíkur er handan við hornið, árshátíð unglingastigsins og dansleikur með Páli Óskari. Nemendur hafa undanfarið unnið að því að skreyta skólann og hefur sköpunargleðin fengið að njóta sýn til hins ítrasta. Fjölmargir hafa lagt hönd á plóg en nemendur niður í 5. bekk hafa fengið að koma og aðstoða enda fá þau nú í fyrsta sinn að koma á dansleikinn. Marta Eiríksdóttir, leikstjóri leikritsins Okkar eigin Grindavík sagði í viðtali við árshátíðarblaðið að hópurinn væri frábær og það væri búið að vera geðveikt að vinna með unglingunum í skólanum. Vonaði hún að það lýsingarorð væri nógu sterkt því krakkarnir í Grindavík væru frábærir.
>> MEIRA
Menningarvikan - Stórtónleikar í kirkjunni
Annar dagur menningarvikunnar er jafnframt fermingardagur og er minnt á skeytaþjónustu körfuboltans. Allar upplýsingar hér. En hápunktur dagsins í menningunni eru tónleikar í Grindavíkurkirkju í kvöld þar sem m.a. Kristján Jóhannsson stígur á svið. Dagskrá dagsins er annars þessi:
>> MEIRA
Menningarverđlaunin 2011 komu í hlut Bryggjubrćđra
Menningaravika Grindavíkur var sett í Grindavíkurkirkju í dag með pompi og pragt en hún er nú haldin þriðja árið í röð. Menningarverðlaun Grindavíkurbæjar 2011 komu í hlut bræðranna Aðalgeirs og Kristins Jóhannssona, verta á kaffihúsinu Bryggjunni, sem hafa sett mikinn svip á menningarlíf bæjarins eftir að þeir opnuðu kaffihús á neðstu hæð netagerðarinnar Krosshús við höfnina sem þeir eiga jafnframt en báðir eru þeir netagerðameistarar.
>> MEIRA
Glćsileg setningarhátíđ Menningarviku
Menningarvika Grindavíkur var sett við hátíðlega athöfn í Grindavíkurkirkju í dag. Uppistaðan í dagskránni voru tónlistaratriði frá Tónlistarskóla Grindavíkur en auk þess fluttu Valdís Kristinsdóttir formaður menningarnefndar og Róbert Ragnarsson bæjarstjóri ávörp. Nemendur í Hópsskóla tóku lagið, myndband var sýnt frá krökkunum á Króki og þá voru afhent menningarverðlaun Grindavíkurbæjar 2011 eins og kemur fram hér.
>> MEIRA
Menningarvikan - Ástríđur međ tónleika í Grindavíkurkirkju
Margir skemmtilegir tónleikar verða í menningarvikunni. Ástríður Alda Sigurðardóttir verður með tónleika í Grindavíkurkirkju laugardaginn 9. apríl og er aðgangur ókeypis.
>> MEIRA
Menningin blómstrar í Grindavík
Menningarvika Grindavíkur verður haldin dagana 2. - 9. apríl. Þetta er í þriðja sinn sem slík menningarvika er haldin hér í Grindavík og er vonandi komin til með að vera árviss viðburður í bæjarfélaginu. Fjölbreytt dagskrá á menningardögum undangenginna tveggja ára hefur laðað brottflutta Grindvíkinga, vini og ættingja bæjarbúa til að koma til bæjarins og njóta margvíslegra viðburða með okkur sem hér búum. Auk bókasafnsins hafa hin ýmsu fyrirtæki tekið þátt með því að bjóða á skemmtilega viðburði og uppákomur.
>> MEIRA
2 dagar í menningarviku - Helga Bryndís međ tónleika helgađa dýralögum
Helga Bryndís Magnúsdóttir tók til starfa sem organisti við Grindavíkurkirkju í ársbyrjun. Hún var áður starfandi organisti og kórstjóri við Möðruvallakirkju í Hörgárdal og við kirkjurnar þar í kring og einnig í kirkjunum í Svarfaðardal og var stjórnandi Samkórs Svarfdæla. Hún starfaði einnig við Tónlistarskólann á Akureyri og Tónlistarskóla Dalvíkurbyggðar.
>> MEIRA
Menningarvikan - Spćnsk lög og sögur á Salhúsinu
Afar áhugaverð skemmtun verður á Salthúsinu í menningarvikunni laugardaginn 2. apríl en hún ber yfirskriftina Sabina: Sól og saltfiskur. Þar flytja Pétur Valgarð Pétursson og Júlíus Hjörleifsson lög hins kunna spænska tónlistarmanns Joaquin Sabina og flytja sögumola á milli laganna.
>> MEIRA
3 dagar í Menningarviku - Metnađarfull dagskrá á Bryggjunni
Óhætt er að segja að bræðurnir á kaffihúsinu Bryggjunni, Aðalgeir og Kristinn Jóhannssynir, leggi mikinn metnað í menningarvikuna eins og fleiri aðilar í bænum. Upp á hvern einasta dag í menningarvikunni verður eitthvað um að vera bæði í tónlist, bókmenntun eða myndmáli.
>> MEIRA
Menningarvika - Okkar eigin Grindavík
Undanfarin tuttugu ár hefur Grunnskólinn í Grindavík lagt metnað sinn í að vera með leikstjóra fyrir unglingastigið á árshátíðinni. Í ár var hins vegar erfitt að nálgast leikara til að leikstýra unglingunum og því var brugðið á það ráð að leita á nýjar slóðir. Marta Eiríksdóttir var fengin til verksins en hún hefur yfir tuttugu ára reynslu af leiklistarvinnu með börnum og unglingum. Marta er grunnskólakennari að mennt með viðbótarmenntun í leiklistarkennslu og leikstjórn, sem hún lærði í Danmörku á árum áður. Hún kenndi jafnframt leiklist í Fjölbrautaskóla Suðurnesja í fimm ár.
>> MEIRA
4 dagar í Menningarviku - RIP heldur upp á 30 ára starfsafmćli
Nóg verður um að vera á Salthúsinu þá daga sem menningarvikan stendur yfir. Föstudaginn 8. apríl verður dagskrá sem nefnist Grindavíkurnætur. Dúettin DúBilló með Grindvíkinginn Pálmar innanborðs ásamt félaga hans Svani Bjarka og grindvísku bræðurnir Brynjar og Óskar Gunnarssynir (Tómassonar) leika lög sem tengjast Grindavík á einn eða annan hátt. Dagskráin endar með því að grindvíska hljómsveitinni RIP kemur saman á ný eftir nokkurt hlé og leikur nokkur lög. Hljómsveitin fagnar nú um þessar mundir 30 ára starfsafmæli.
>> MEIRA
Járngerður, fréttabréf bæjarins, kemur út í dag og er 24 síður, stútfullt af skemmtilegu efni en þetta er fyrsta tölublað ársins. Blaðið er að stórum hluta helgað Menningarviku Grindavíkur 2.-9. apríl nk. Forsíðumyndin er afar skemmtileg en Ólafur Rúnar Þorvarðarson tók hana 1975 af leikurum í Skugga-Sveini.
>> MEIRA
Mánudaginn 4.apríl kl. 17:00 býður Bókasafn Grindavíkur til fjölskyldudagskrár í sal bæjarstjórnar, við hlið safnsins. Við fáum Brynhildi Heiðar og Ómarsdóttur, bókmenntafræðing, til okkar, en hún skrifaði bókina Sjáðu svarta rassinn minn. Hún segir okkur frá tilurð bókarinnar og fleiru skemmtilegu. Aðalsteinn Ásberg Sigurðsson (var í Vísnavinum) verður með okkur líka. hann ætlar að spjalla og skemmta okkur með söng og gítarspili, eins og honum einum er lagið. Við fáum líka upplestur úr frumsömdu efni nemenda 4.-7.bekkja - örsögur og ljóð, auk þess sem besta efnið verður verðlaunað í lok dagskrár.
Veitingar í boði safnsins í hléi. Hvetjum foreldra og börn til að koma og njóta skemmtilegrar dagskrár. Allir velkomnir!
5 dagar - Kristján Jóhannsson, Rósalind og Anton í Grindavíkurkirkju
Einn af hápunktum menningarvikunnar eru tónleikar í Grindavíkurkirkju sunnudaginn 3. apríl þegar Kristján Jóhannsson óperusöngvari tekur þar lagið ásamt Rósalind Gísladóttur mezzósópran og kennara við Tónlistarskóla Grindavíkur og Antoni Sigurðssyni sem er ungur og upprennandi óperusöngvari sem Kristján hefur verið að kenna. Kristján og Anton hafa áður sungið saman en þetta er í fyrsta skipti sem þessi þrjú stíga saman á svið.
>> MEIRA
Menningin blómstrar - Glćsileg menningarvika fram undan
Menningarvika Grindavíkur verður haldin 2.-9. apríl nk. undir yfirskriftinni Menning er mannsins gaman. Þetta er í þriðja sinn sem menningarvikan er haldin og er dagskráin fjölbreytt og skemmtileg en fjölmörg metnaðarfull atriði eru á dagskrá. Uppistaðan í dagskránni er framlag heimafólks en margt af fremsta tónlistarfólki þjóðarinnar kemur þar einnig fram. Má þar nefna Kristján Jóhannsson tenór, Magnús Eiríksson og KK. Jafnframt koma fram rithöfundarnir Ólafur Gunnarsson og Einar Már Guðmundsson, leikonan Brynhildur Guðjónsdóttir og ýmsir fleiri.
>> MEIRA
Menningarverđlaun Grindavíkur - Óskađ eftir tilnefningum
Í menningarviku á síðasta ári var tekin upp sú hefð að veita árlega menningarverðlaun Grindavíkur. Verðlaunin geta verið veitt einstaklingi, stofnun eða samtökum sem viðurkenning fyrir eftirtektarvert framtak á sviði lista og menningar.
>> MEIRA
Viltu taka ţátt í menningarvikunni?
Menningarvika, lista og menningarhátíð Grindvíkinga, verður að þessu sinni haldin frá 3. - 9. apríl. Þeir sem hafa áhuga á því að taka þátt í dagskránni eða setja upp viðburði í Menningarvikunni er bent á að hafa samband við Kristinn J. Reimarsson frístunda- og menningarfulltrúa kreim@grindavik.is eða í síma 420 1100.
>> MEIRA
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
8,4 °C
