Leiksk�linn Laut st�kkar

Fr�ttir
22. desember 2015

Ýmislegt hefur verið um að vera á leikskólanum Laut að undanförnu. Þar ber hæst að í októbermánuði bættist fimmta deildin við en hún fékk nafnið Garðhús. Nú er aðlögun formlega lokið og starfið komið vel í gang.

Í Garðhúsum er mikið karlaveldi en 13 nemendur eru strákar en einungis 3 stúlkur. Börnin eru mjög ánægð og eru orðin vel heimavön. Þau skelltu sér í vettvangsferð um daginn reyndar var ekki farið langt frá leikskólanum en þetta var langt ferðalag fyrir litlar fætur.

Jól í skókassa
Lautarbörn, foreldrar og starfsfólk tóku þátt í verkefninu Jól í skókassa í ár líkt og gert var í fyrra. Við kynntum verkefnið fyrir börnunum með því að sýna þeim myndband sem sýndi afhendingu jólagjafanna í Úkraníu í fyrra. Verkefnið er alþjóðlegt sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. KFUM & KFUK hefur haldið utan um verkefnið hér á landi.
Í ár söfnuðum við í 44 skókassa sem að börn fædd 2011 afhentu kirkjunni hér í bæ sem síðan kom þeim til Reykjavíkur. Þetta verkefni er virkilega skemmtilegt og gefandi og er komið til með að vera fastur liður í starfinu hér í Laut.

Stjörnuhópur í kaffihúsaferð
Undanfarin ár hefur skapast sú hefð hjá elsta árganginum okkar að í desember fara þau á kaffihús. Að þessu sinni var farið með rútu og ferðinni heitið á Northern Light inn þar sem tekið var á móti okkur með heitu súkkulaði með rjóma og köku. Þegar allir voru orðnir mettir var sest við arineld og lesin jólasaga. Skemmtileg hefð og yndisleg ferð með snilling-unum okkar.

Greinin birtist fyrst í Járngerði, fréttabréfi Grindavíkurbæjar.