Könnunarleikurinn

  • Laut
  • 3. nóvember 2013

Haustið 2007 innleiddum við könnunarleikinn á Laut, hjá yngstu börnunum á Eyri og Múla.

Könnunarleikurinn ( heuristicplay with objects) hefur verið prófaður í mörgum ólíkum löndum til margra ára með stórum hóp barna. Frumkvöðull þessarar aðferðar er Goldschmied, E, Jackson. Gerðar hafa verið ýmsar athuganir og hafa þær sýnt að börn um tveggja ára aldur byrja að sýna vilja til að skiptast á hlutum við jafnaldra sína og sú tilhneiging verður meira áberandi í könnunarleiknum þar sem efniviðurinn er við þeirra hæfi.

Könnunarleikurinn fer þannig fram að safnað hefur verið í poka alls konar " verðlausum " hlutum eins og dósum, lyklum, keðjum, papparúllum ofl. Börnin eru ca. fimm í hóp og dótinu raðað á gólfið. Þau velja sér sjálf hluti og nota hann á margan hátt t.d. til að fylla, tæma, setja saman, raða, hrista ofl. Börnin leika sér ótrufluð og án fyrirmæla frá kennara. Þau leiða leikinn sjálf og ekkert er rétt né rangt. Með forvitni sinni í leiknum örva þau skynfæri sín með að hlusta, snerta, skoða og smakka sem og að örva gróf- og fínhreyfingar.
Könnunarleikurinn kemur ekki í staðinn fyrir annan leik heldur er ætlaður sem viðbót og til að auðga leik yngstu barnanna.

Engin ein leið er rétt í könnunarleik, efniviður er mismunandi eftir því hverju fólk safnar og auk þess hefur fólk mismunandi hugmyndir. Þessi aðferð hvetur til þess að hin fullorðni sé skapandi og geri umhverfið að örvandi stað fyrir yngstu börnin.

Börn hafa ánægju af leiknum auk þess þjálfast þau til þess að einbeita sér. Ekki er óalgengt að sjá börn á þessum aldri leika sér í 30 mínútur eða lengur við könnunarleik. Þau haga sér eins og vísindamenn sem prófa sama hlutinn aftur og aftur þangað til árangur næst.

 

  • Aðbúnaður,efniviður og hlutverk kennara
  • Ákveðinn tími dags er áætlaður fyrir könnunarleikinn, um 30-60 mín í senn.
  • Krókurinn inn á heimstofunni er ætlaður fyrir könnunarleikinn
  • Hámark fimm börn eru í hverjum hóp með einum kennara
  • Kennari raðar upp hlutunum áður en börnin koma inn, býður síðan börnin velkomin.
  • Kennari er fyrst og fremst áhorfandi en ekki virkur þátttakandi í leiknum. Skráir gjarnan niður framvindu leiksins. Kennari stjórnar síðan tiltekt og flokkun í pokana í lok stundar sem er hluti af leiknum.
  •  Í lok stundar er síðan þakkað fyrir samstarfið.
  • Efniviðurinn er síðan flokkaður eftir lögun og áferð.- Myndir af efnivið fyrir könnunarleikinn: 

 

 

   
   
   
   

 

 

 

 

 

Deildu ţessari frétt

AĐRAR SÍĐUR



Nýjustu fréttir

Lestarátak í október í Laut - Lína Langsokkur

  • Lautafréttir
  • 28. september 2018

Nýr ađstođarleikskólastjóri

  • Lautafréttir
  • 31. ágúst 2018

Fornleifafundur í Lautinni

  • Lautafréttir
  • 28. ágúst 2018

Atvinna - Matráđur á leikskólanum Laut

  • Lautafréttir
  • 13. júní 2018

Sól, sumar og sólarvörn

  • Lautafréttir
  • 4. júní 2018

Listaverk Lautarbarna viđ Víkurbraut

  • Lautafréttir
  • 1. júní 2018

Krakkakosningar í Laut

  • Lautafréttir
  • 15. maí 2018

Útskrift Stjörnuhópsbarna - Gjáin

  • Lautafréttir
  • 15. maí 2018