Skólasamfélagið samanstendur af nemendum, starfsfólki skólans og foreldrum/forráðamönnum. Hóparnir setja sér markmið um að vinna saman að mótun skólasamfélagsins. Menntun og velferð nemenda er sameiginlegt verkefni heimila og skóla.

Handtak heimilis og Hópsskóla skal ætið vera hlýtt og traust. Önnur höndin er tákn heimilis og hin er hönd Hópsskóla. Það eru þessar hendur sem hornsteininn leggja að andlegum, líkamlegum og félagslegum þroska barnanna okkar. Gæfa og gengi barnsins þíns, barnsins míns, barnsins okkar getur oltið á því, hvort þessar hendur bera gæfu til þess að vinna saman. Það þurfa þær og eiga að gera.