Velkomin á vef Hópsskóla, nýs grunnskóla við Suðurhóp 2 í Grindavík. Skólinn var vígður 10. desember 2009 og tók til starfa í ársbyrjun 2010. Á vefnum er að finna upplýsingar um skólastarfið sem nýtast vonandi vel og þá fyrst og fremst foreldrum/forráðamönnum og nemendum skólans.

Aðrir lesendur síðunnar finna hér vonandi eitthvað gagnlegt. Það er von mín að í Hópsskóla muni ríkja vinátta, traust, gleði, kjarkur, heiðarleiki og vilji til að gera skólastarfið fallegt og gott. Merki skólans táknar tvær manneskjur sem tengjast, haldast í hendur eða með bolta á milli sín í leik. Græni liturinn í merkinu táknar þroska, gróanda og vöxt. Hann er litur jafnvægis, vonar og gleði. Appelsínuguli liturinn í merkinu táknar kraft, gleði, hamingju og félagslyndi.

Kær kveðja,
Maggý Hrönn Hermannsdóttir
skólastjóri