Í grunnskólalögum nr. 91/2008 segir: "starfsmönnum skóla er skylt að efla samstarf skóla
og heimila, m.a. með því að miðla fræðslu um skólamál til foreldra og veita upplýsingar um
starfið í skólanum".

Í Hópsskóla er borin virðing fyrir skoðunum og ábendingum foreldra/forráðamanna varðandi nám og kennslu nemenda. Með góðu samstarfi skólans við fjölskyldur nemenda eru meiri líkur á að nemendum okkar gangi vel í skólanum og líði þar sem best. Mikilvægt er að gagnkvæmt traust og skilningur ríki á milli heimilis og skóla og samstaða sé um markmið og leiðir í námi og kennslu. Foreldrar eru boðnir sérstaklega velkomnir í skólann og hvattir til að koma skoðunum sínum og hugmyndum á framfæri. Ömmur og afar, langömmur og langafar eru hvattir til að koma í Hópsskóla til að miðla okkur af reynslu sinni og segja okkur sögur.