Í Hópsskóla er virðing borin fyrir áhugasviði nemenda og þeim gefinn kostur á að vinna með það. Nemendur fá tíma til að vinna einir eða í litlum hópum í eina til tvær kennslustundir á viku, allt eftir áhuga hvers og eins. Með þessu móti gefst nemendum tækifæri til að vinna með sterkar hliðar sínar, njóta sköpunargleðinnar og hugmyndaflugsins sem fleytir mörgum yfir erfiða hjalla.

Nemendur ákveða hvað þeir ætla að gera og koma með hugmyndir að útfærslu að verkefnum. Þeir kynna síðan afraksturinn annað hvort fyrir samnemendum, kennurum, gestum eða fara með kynninguna t.d. á Heilsuleikskólann Krók eða Leikskólann Laut.